جدہ میں پاکستان لیڈیز گروپ کی صدر ڈاکٹر رخشندہ پوری کے زیر اہتمام خواتین کی رنگا رنگ تقریب، کثیر تعداد میں خواتین نے شرکت کی

رپورٹ: ثناء شعیب پی این پی نیوز ایچ ڈی

سعودیہ عرب کے ساحلی شہر جدّہ میں پاکستان لیڈیز گروپ گروپ کی صدر ڈاکٹر رخشندہ پوری نے خواتین کے لیے ایک رنگا رنگ تقریب کا انعقاد کیا جس میں کثیر تعداد میں خواتین نے شرکت کی .

پاکستان لیڈیز گروپ پی ایل جی (PLG) لیڈیز گیدرنگ کی ایک شاندار اور یادگار تقریب جدہ میں منعقد ہوئی، جس میں خواتین اور بچیوں کی بڑی تعداد نے شرکت کی.

تقریب کی مہمانِ خصوصی ڈپٹی قونصل جنرل محترمہ سعدیہ وقار (DCG) تھیں جبکہ محترمہ غلام حسین (HOC)، محترمہ عرفان ڈاکٹر سمیرا عزیز اور صائمہ وقاص بھی بطور معزز مہمان شریک ہوئیں۔ تقریب کی صدارت پی ایل جی کی صدر رخشندہ پوری نے کی جبکہ نائب صدر نازیہ آصف نے انتظامات میں اہم کردار ادا کیا۔ تقریب کا مقصد خواتین کو ایک خوشگوار اور باوقار ماحول میں یکجا کرنا تھا.

تقریب میں مختلف تفریحی اور ثقافتی سرگرمیوں کا اہتمام کیا گیا جن میں گیمز، لکی ڈرا، فیشن شو اور دیگر دلچسپ پروگرام شامل تھے۔ شرکاء میں عابدہ، کبریٰ، نوشینہ زاہد، کلثوم، ثریا جبین، امبرین ساجد، ثانیہ محمد، ثنا بلال اور دیگر خواتین شامل تھیں۔ اس کے علاوہ ننھی بچیوں ڈیرن بلال اور دایرہ بلال نے بھی اپنی موجودگی سے تقریب کو مزید دلکش بنایا۔ تقریب کا لباس اور زیورات کا تھیم مشرقی انداز اور بھاری جیولری پر مشتمل تھا جسے شرکاء نے بھرپور انداز میں اپنایا.

ادبی نشست بھی تقریب کا اہم حصہ رہی جس میں معروف شاعراؤں ڈاکٹر سمیرا عزیز اور مسز بنت الحسن نے اپنے خوبصورت کلام سے حاضرین کو محظوظ کیا. ان کی شاعری کو شرکاء نے بے حد سراہا اور داد و تحسین سے نوازا. اس ادبی رنگ نے تقریب کو مزید وقار اور خوبصورتی عطا کی اور خواتین کو اپنی تخلیقی صلاحیتوں کے اظہار کا بہترین موقع فراہم کیا.

فیشن شو کے مقابلے میں امبرین نے پہلی، ثنا بلال نے دوسری جبکہ فزہ نے تیسری پوزیشن حاصل کی. بہترین گیٹ اپ مقابلے میں کبریٰ (عالم لوہار کے انداز میں) نے پہلی پوزیشن حاصل کی، جبکہ امبرین (ملکہ نور جہاں کے روپ میں) دوسرے نمبر پر رہیں۔ تیسری پوزیشن عابدہ (آم والی) اور چوتھی پوزیشن ثریا (چوڑیاں والی) کے نام رہی. اسی طرح “مدرز اینڈ ڈاٹرز گیم” میں شبنم اور نائمہ عدنان کی جوڑی فاتح قرار پائی، جس پر حاضرین نے انہیں بھرپور مبارکباد پیش کی.

تقریب کے اختتام پر نائمہ عدنان نے صدر رخشندہ پوری کی خدمات کے اعتراف میں انہیں پھولوں کا خوبصورت گلدستہ پیش کیا اور ان کی انتھک محنت، قیادت اور کمیونٹی کے لیے گرانقدر خدمات کو زبردست خراجِ تحسین پیش کیا.

شرکاء نے بھی رخشندہ پوری کی کاوشوں کو سراہتے ہوئے ان کے لیے نیک تمناؤں کا اظہار کیا. پرتکلف عشائیے کے ساتھ اختتام پذیر ہونے والی یہ تقریب خوشیوں، باہمی محبت، ثقافتی رنگوں اور خواتین کے بااختیار کردار کی ایک خوبصورت مثال ثابت ہوئی.