ویلفیئر اتاشی جنت حسین نیکو کارہ صاعد اور فوکل پرسن نديم اختر چوہدری کی حکام سے ملاقاتیں
سعودی عرب رپورٹ عالم خان مہمند :پی این نیوز ایچ ڈی
جنت حسین نیکو کارہ صاعد (ویلفیئر اتاشی، پاکستان ایمبیسی ریاض) نے فوکل پرسن نديم اختر چوہدری کے ہمراہ الأحساء گورنریٹ کا اہم دورہ کیا.
دورے کا بنیادی مقصد سعودی حکومتی اداروں سے روابط کو مزید مضبوط بنانا اور اوورسیز پاکستانیز کو درپیش مسائل کے مؤثر حل کو یقینی بنانا تھا.
ایمبیسی وفد نے لیبر آفس، ڈیپورٹیشن سینٹر اور سنٹرل جیل سمیت مختلف متعلقہ اداروں کا دورہ کیا، جہاں پاکستانی کمیونٹی کو درپیش امور پر تفصیلی تبادلہ خیال کیا گیا.
سعودی حکام نے اوورسیز افراد کے مسائل کے حل کے لیے اپنائی گئی حکمتِ عملی پر بریفنگ دی جسے وفد نے سراہتے ہوئے اطمینان کا اظہار کیا.
دورے کے دوران نمایاں سعودی کمپنیوں کے نمائندگان سے بھی ملاقاتیں کی گئیں، جن میں پاکستانی افرادی قوت کے فروغ، روزگار کے نئے مواقع اور دوطرفہ اقتصادی تعاون بڑھانے پر گفتگو ہوئی.
اس موقع پر ملکی معیشت کی مضبوطی اور پاکستانی مین پاور میں اضافے کے عزم کا اعادہ کیا گیا.
ایمبیسی وفد نے کمیونٹی پروگرام میں شرکت کرتے ہوئے اوورسیز پاکستانیز کے مسائل براہِ راست سنے اور ان کے فوری حل کے لیے متعلقہ اداروں سے رابطے کی یقین دہانی کرائی.
سعودی حکومتی اداروں سے ملاقاتوں میں پاک سعودی دفاعی معاہدے پر بھی باہمی مسرت اور نئے عزم کا اظہار کیا گیا، جبکہ دونوں ممالک کے دیرینہ، برادرانہ اور قلبی تعلقات کو مزید مستحکم بنانے پر زور دیا گیا.
آخر میں ایمبیسی وفد نے اوورسیز پاکستانیز کے مسائل کے حل میں بھرپور تعاون پر سعودی اداروں کے مدیروں کا شکریہ اور نیک خواہشات کا اظہار کیاگیا.
