فلپائن میں 7.8 شدت کا زلزلہ، 5 افراد جاں بحق، متعدد عمارتیں منہدم
اسٹاف رپورٹ : پی این پی نیوز ایچ ڈی
منڈاناؤ: فلپائن کے جنوبی جزیرے منڈاناؤ میں 7.8 شدت کے طاقتور زلزلے نے بڑے پیمانے پر تباہی مچا دی، جس کے نتیجے میں کم از کم 5 افراد جاں بحق جبکہ متعدد زخمی ہوگئے.
جرمن ریسرچ سینٹر فار جیو سائنسز کے مطابق زلزلے کا مرکز منڈاناؤ کے قریب واقع تھا اور اس کی گہرائی 10 کلومیٹر ریکارڈ کی گئی۔ شدید جھٹکوں کے باعث متعدد عمارتیں منہدم ہوگئیں جبکہ کئی علاقوں میں بنیادی ڈھانچے کو بھی نقصان پہنچا.
حکام نے متاثرہ علاقوں میں ہنگامی حالت نافذ کرتے ہوئے امدادی اور ریسکیو کارروائیاں شروع کر دی ہیں۔ ماہرین نے مزید آفٹر شاکس کے خدشے کا اظہار کیا ہے، جس کے پیش نظر شہریوں کو احتیاطی تدابیر اختیار کرنے کی ہدایت کی گئی ہے.
دوسری جانب انڈونیشیا کے شمال مشرقی ساحلی علاقوں کے لیے سونامی وارننگ جاری کر دی گئی ہے۔ متعلقہ ادارے سمندر کی صورتحال پر مسلسل نظر رکھے ہوئے ہیں اور ممکنہ خطرات سے نمٹنے کے لیے اقدامات جاری ہیں.
