گلگت بلتستان میں پیپلز پارٹی اور ن لیگ کی اتحادی حکومت بننے کا امکان
اسٹاف رپورٹ : پی این پی نیوز ایچ ڈی
گلگت بلتستان میں حکومت سازی کے لیے سیاسی سرگرمیاں تیز ہو گئی ہیں اور پاکستان پیپلز پارٹی (پی پی پی) اور پاکستان مسلم لیگ (ن) کے درمیان اتحادی حکومت کے قیام کے امکانات روشن ہو گئے ہیں.
ذرائع کے مطابق دونوں جماعتوں نے حکومت سازی کے حوالے سے ابتدائی مشاورت کا آغاز کر دیا ہے۔ گلگت بلتستان انتخابات میں پاکستان پیپلز پارٹی سب سے بڑی جماعت کے طور پر سامنے آئی تھی، جس کے بعد مسلم لیگ (ن) اور پیپلز پارٹی کے درمیان وفاق اور دیگر صوبوں میں رائج اتحادی فارمولے کو اپنانے کی تجویز زیر غور ہے.
ذرائع کا کہنا ہے کہ مجوزہ فارمولے کے تحت وزیراعلیٰ کا منصب پاکستان پیپلز پارٹی کے پاس ہوگا جبکہ گورنر مسلم لیگ (ن) سے لیا جائے گا۔ اسی طرح کابینہ میں وزارتوں کی تقسیم 60 اور 40 فیصد کے تناسب سے کرنے کی تجویز بھی زیر غور ہے.
سیاسی مبصرین کے مطابق اگر دونوں جماعتوں کے درمیان معاملات طے پا جاتے ہیں تو گلگت بلتستان میں ایک مضبوط اتحادی حکومت قائم ہونے کا امکان ہے، جو خطے کے سیاسی استحکام میں اہم کردار ادا کر سکتی ہے.
