آسٹریا کے دارالحکومت ویانا میں پاک سینٹر مسجد المدینہ کے زیر اہتمام عظیم الشان بسلسلہ سالانہ میلاد النبیﷺ کانفرنس کا انعقاد کیا گیا

آسٹریا ویانا: ریاض بلوچ:-این پی نیوز ایچ ڈی

آسٹریا کے دارالحکومت ویانا میں پاک سینٹر مسجد المدینہ کے زیر اہتمام عظیم الشان بسلسلہ سالانہ میلاد النبیﷺ کانفرنس کا انعقاد کیا گیا۔ محفل میں سفارت خانہ پاکستان کے اسٹاف سمیت آسٹریا کے چھوٹے بڑے شہروں سے پاکستانی کمیونٹی کے بزرگوں، نوجوانوں، بچوں اور خواتین نے بھرپور شرکت کی۔نورانی محفل کے شرکا نے درود و سلام کی صدائیں بلند کیں اور حضور پُرنور حضرت محمد مصطفی صلی اللہ علیہ وسلم کی ولادت کا جشن منایا۔

اس موقع پر خصوصی مہمان جو کہ خطیب اسلامک سنٹر ٹاسٹروپ کوپن ہیگن ڈنمارک سے تشریف لائے علامہ قاری محمد اسماعیل فرید تونسوی،تھے۔

محفل کا باقاعدہ آغاز تلاوت قران پاک سے کیا گیا اس کے بعد سرکار صلی اللہ علیہ والہ وسلم کی نعت کی سعادت آسٹریا کے مختلف نعت خوانان کو حاصل ہوئی۔

پاک سینٹر مسجد المدینہ کے خطیب علامہ غلام مصطفی بلوچ نے اپنے مختصر خطاب میں سیرت النبی ﷺ کے موضوع پر خطاب کیا۔

خصوصی قرات قران پاک اور خطاب پاک اسلامک سنٹر ٹاسٹروپ کوپن ہیگن ڈنمارک سے تشریف لائے علامہ قاری محمد اسماعیل فرید نے حضور نبی اکرم صلی اللہ علیہ وآلہ وسلم کی ولادت باسعادت اور میلاد منانے پر گفتگو کرتے ہوئے کہا کہ محبت رسول صلی اللہ علیہ وآلہ وسلم ایمان کی شرط اولین ہے جس کی تکمیل ذکر مصطفی صلی اللہ علیہ وآلہ وسلم کے بغیر ممکن نہیں۔

بعداز نماز مغرب کے بعد سب نے مل کر صلات وسلام حضور اکرم صلی اللّٰہ علیہ السّلام پیش کیا۔ اخر میں خصوصی دعا ملک پاکستان، فلسطین اور کشمیر کے مسلمانوں حاضرین کے لیے دعائیں کی گئیں۔

کانفرنس کے اختتام پر حاضرین محفل کے لئے لنگر و نیاز کا بھی اہتمام کیا گیا۔ اخر میں پاک سینٹر مسجد المدینہ کے خطیب علامہ غلام مصطفی بلوچ نے تمام لوگوں کا کانفرنس میں آنے کا شکریہ ادا کیا۔