سعودی دارالحکومت ریاض میں ریاض فنانس لیڈرز حب کے زیر اہتمام امریکہ سے آئے ہوئے ڈاکٹر انسب خالد کے اعزاز میں ایک خصوصی تقریب کا انعقاد کیا گیا۔ اس تقریب کی میزبانی نعیم قریشی اور زبیر خان بلوچ نے کی، جس میں سعودی عرب میں مقیم پاکستانی فنانس کمیونٹی کی نمایاں شخصیات نے شرکت کی۔

رپورٹ عالم خان مہمند :پی این نیوز ایچ ڈی

سعودی دارالحکومت ریاض میں ریاض فنانس لیڈرز حب کے زیر اہتمام امریکہ سے آئے ہوئے ڈاکٹر انسب خالد کے اعزاز میں ایک خصوصی تقریب کا انعقاد کیا گیا۔ اس تقریب کی میزبانی نعیم قریشی اور زبیر خان بلوچ نے کی، جس میں سعودی عرب میں مقیم پاکستانی فنانس کمیونٹی کی نمایاں شخصیات نے شرکت کی۔
ڈاکٹر انسب خالد نے اپنے خطاب میں کہا کہ فنانس بظاہر ایک خشک شعبہ ہے، تاہم اس میں کامیابی کے لیے ذہنی صحت کا بہتر ہونا نہایت ضروری ہے۔ انہوں نے اس بات پر زور دیا کہ بہت سے افراد ذہنی مسائل کا شکار ہوتے ہیں مگر وہ اس کا اظہار نہیں کرتے، اس لیے ضروری ہے کہ انسان اپنی زندگی میں توازن برقرار رکھے اور اپنی صحت کا خصوصی خیال رکھے۔
ضیاء مصطفیٰ کا کہنا تھا کہ ہمیں اپنی ذہنی صحت کے لیے اپنے پروفیشنل اور ذاتی زندگی کے معاملات میں توازن قائم رکھنا چاہیے۔
ڈاکٹر محمد عظیم اور محمد دانش نے اپنے خیالات کا اظہار کرتے ہوئے کہا کہ بہت سے افراد ذہنی دباؤ کا شکار ہوتے ہیں لیکن اکثر انہیں خود بھی اس کا ادراک نہیں ہوتا۔
طاہر مقبول نے کہا کہ اینزائٹی کو لوگ عام سی کیفیت سمجھتے ہیں، لیکن اس کا خاص خیال رکھنا چاہیے۔
عمار الحسن کا کہنا تھا کہ ہر کمپنی کو اپنے اسٹاف کی ذہنی صحت کا خیال رکھنا چاہیے۔
عظیم شیخ اور شکیل احمد نے کہا کہ ہمیں اپنے لیے خاص وقت نکالنا چاہیے۔
مدثر فاروق، مبشر خان، ابو بکر اور فصیح الدین نے بھی ذہنی صحت پر خصوصی توجہ دینے پر زور دیا۔
تقریب میں شرکت کرنے والی معزز شخصیات میں ضیاء مصطفیٰ، محمد دانش، ڈاکٹر محمد عظیم، مدثر فاروق، محمد نعمان، عمار الحسن، زبیر خان بلوچ، عظیم شیخ، شکیل احمد، اجمل نیاز، طاہر مقبول، نعیم قریشی، مبشر خان، ابو بکر اور فصیح الدین شامل تھے۔
آخر میں نعیم قریشی اور زبیر خان بلوچ نے تمام معزز مہمانوں کی شرکت پر ان کا شکریہ ادا