ینگ جرنلسٹ سوسائٹی انٹرنیشنل کی جانب سے صحافی محترمہ شاہین جاوید کے مرحوم والدین کے ایصال ثواب کے لئے دعائیہ تقریب اور دعوت کا خصوصی انعقاد کیا گیا۔
رپورٹ شاہین جاوید
سعودی دارالحکومت ریاض کی ینگ جرنلسٹ سوسائٹی انٹرنیشنل کی جانب سے ایک دعائیہ تقریب کا انعقاد کیا گیا۔ اس کا مقصد محترمہ شاہین جاوید کے مرحوم والدین کے ایصالِ ثواب اور ان کے لیے اجتماعی دعا کا اہتمام کرنا تھا، جس میں سفارتخانہ پاکستان کی جانب سے ویلفیئر اتاشی صاعد عزیز ، کمیونٹی ویلفیئر اتاشی جنت جنجوعہ اور پاکستانی کمیونٹی کی اہم شخصیات اور صحافی برادری کی بڑی تعداد نے شرکت کی۔
تقریب کا آغاز تلاوت محمد فواز کی تلاوت قرآن پاک سے ہوا ، ہدیہ نعت ارشد تبسم نے پیش کیا اور والدین کے عظمت اور رتبے کے حوالے سے دینی احکامات بیان کئے گئے۔ بعد ازاں مرحومین کے لیے اجتماعی دعا کی گئی ، جس میں اللہ تعالیٰ سے ان کے درجات کی بلندی اور مغفرت کی دعا کی گئی۔ شرکاء نے مرحومین کے لیے فاتحہ خوانی کی اور میزبان خاندان کے ساتھ اظہارِ تعزیت بھی کیا۔
تقریب میں شرکت کرنے والی شخصیات میں سینئر صحافیوں میں مبشر انوار ، امتیاز احمد ، زبیر خان بلوچ ،وسیم خان، تسنیم امجد ، ارشد تبسم، بابر ، نوید الرحمان ، عرفان ملک سمیت دیگر معزز مہمان شامل تھے۔شرکاء نے مرحومین کے ایصالِ ثواب کے لیے دعا کرتے ہوئے میزبان خاندان کے صبر و استقامت کے لیے بھی دعا کی۔
پروگرام کے اختتام پر شاہین جاوید ، عبداللہ جاوید اورمرحوم کے نواسے محمد فواز نے تمام مہمانوں کا شکریہ ادا کیا جنہوں نے اس مشکل گھڑی میں ان کے ساتھ اظہارِ ہمدردی کیا اور تقریب میں شرکت کی۔
دعائیہ تقریب میں سفارتِ پاکستان کے عملے کے ارکان، مختلف میڈیا اداروں سے وابستہ صحافیوں اور پاکستانی کمیونٹی کے نمایاں افراد نے شاہین جاوید اور ان کے خاندان کے ساتھ دلی ہمدردی کا اظہار کرتے ہوئے مرحومین کے لیے خصوصی دعائیں کیں۔
آخر میں سنئر صحافی مبشر انوار نے ینگ جرنلسٹ سوسائٹی انٹرنیشنل کی جانب سے تمام احباب کا شکریہ ادا کیا۔
