ایلیٹ فورم کی 12 سالہ شاندار تکمیل، الخبر میں پروقار تقریب کا انعقاد
ایلیٹ فورم نے اپنے 12 کامیاب اور بامقصد سال مکمل ہونے پر الخبر میں ایک پُروقار اور رنگا رنگ تقریب کا انعقاد کیا۔ اس یادگار تقریب کا اہتمام الخبر برانچ ہیڈ سعدیہ تجمل نے نہایت خوبصورتی سے کیا، جن کے ساتھ کوآرڈینیٹرز حنا تنویر اور یہی سلطانہ بھی بھرپور انداز میں شریک رہیں۔
رپورٹ جویریہ اسد
ایلیٹ فورم نے اپنے 12 کامیاب اور بامقصد سال مکمل ہونے پر الخبر میں ایک پُروقار اور رنگا رنگ تقریب کا انعقاد کیا۔ اس یادگار تقریب کا اہتمام الخبر برانچ ہیڈ سعدیہ تجمل نے نہایت خوبصورتی سے کیا، جن کے ساتھ کوآرڈینیٹرز حنا تنویر اور یہی سلطانہ بھی بھرپور انداز میں شریک رہیں۔
ایلیٹ فورم کی بانی، انجینئر جویریہ اسد، ریاض سے اس تقریب میں شامل ہوئیں اور فورم کے وژن، مشن اور بارہ سالہ درخشاں سفر پر روشنی ڈالی۔ انہوں نے اس پلیٹ فارم کے ذریعے خواتین کی صلاحیتوں کو اجاگر کرنے اور انہیں بااختیار بنانے کے عزم کو نہایت متاثر کن انداز میں پیش کیا۔
تقریب کی میزبان سعدیہ تجمل نے مہمانوں کا پرتپاک استقبال کیا اور دلکش و دلچسپ سرگرمیوں کے ذریعے محفل کو بھرپور رونق بخشی۔ اس موقع کی ایک نمایاں جھلک ایلیٹ فورم کے میگزین ایلیشین ٹائمز کے نئے ایڈیشن کی باوقار رونمائی تھی، جسے حاضرین نے بھرپور سراہا۔
فورم کی جانب سے تمام مہمانوں کو خصوصی تحائف پیش کیے گئے، جس نے خوشی کے اس موقع کو مزید یادگار بنا دیا۔ تقریب کا اختتام نہایت خوشگوار ماحول میں کیک کاٹنے کی رسم کے ساتھ ہوا، جس کی قیادت فورم کی معزز رکن محترمہ ساجدہ انتظار نے کی
