سعودی عرب کے شہر ریاض کے مقامی ہوٹل میں مجاہد ندیم رامے نے ریاض میں مقیم صحافیوں کے اعزاز میں سحری کا اہتمام کیا
اسٹاف رپورٹ :پی این نیوز ایچ ڈی
سعودی عرب کے شہر ریاض کے مقامی ہوٹل میں مجاہد ندیم رامے نے ریاض میں مقیم صحافیوں کے اعزاز میں سحری کا اہتمام کیا، جس میں وسیم خان، زبیر خان بلوچ اور حافظ عرفان کھٹانہ نے شرکت کی۔
تقریب کے دوران پاکستان، سعودی عرب اور مشرق وسطیٰ کی موجودہ صورتحال اور پاکستان کے عالمی مقام پر تفصیلی گفتگو کی گئی۔
اس موقع پر مجاہد ندیم رامے کا کہنا تھا کہ آج کا پاکستان ماضی کے مقابلے میں زیادہ مضبوط اور بہتر حیثیت رکھتا ہے، جس میں مسلم لیگ (ن) اور میاں محمد نواز شریف کا اہم کردار ہے۔ انہوں نے کہا کہ پاکستان کے ایٹمی طاقت بننے میں بھی نواز شریف کی قیادت کا اہم حصہ رہا ہے۔
حافظ عرفان کھٹانہ نے صحافت اور اس کی ڈیجیٹلائزیشن کے موضوع پر گفتگو کی، جبکہ زبیر خان بلوچ کا کہنا تھا کہ صحافت ایک معتبر پیشہ ہے جسے ایمانداری سے نبھانا چاہیے۔ وسیم خان نے اس بات پر زور دیا کہ بیرونِ ملک مقیم پاکستانیوں کو ایک دوسرے کا خیال رکھنا چاہیے۔
پروگرام کے اختتام پر مجاہد ندیم رامے نے تمام مہمانوں کا شکریہ ادا کیا۔
