پاکستان اور سعودی عرب کا مضبوط اتحاد عالمی امن کے قیام کی نئی امید قرار. چوہدری ندیم اختر گجر کا بیان
رپورٹ عالم خان مہمند :پی این نیوز ایچ ڈی
معروف سماجی شخصیت اوورسیز رہنما مبصر اقوام متحدہ ،صدر پاکستان اوورسیز ایسوسی ایشن فورم انٹرنیشنل سعودی عرب چوہدری نديم اختر گجر نے حالیہ جنگی حالات میں پاکستان کے کردار کو سراہتے ہوئے کہا کہ فیلڈ مارشل حافظ سید عاصم منیر اور موجودہ حکومتی قیادت نے جس طرح حکمت اور بصیرت سے دنیا کو عالمی جنگ سے بچانے میں کردار ادا کیا.ملک پاکستان کی قیادت نے شب وروز کی محنت، مدبرانہ اور مخلصانہ کاوشیں ایک مضبوط اور پرامن ملک ہونے کا منہ بولتا ثبوت یے.
پاکستان اور سعودی عرب کے مضبوط اتحاد اور باہمی تعاون نے جنگ بندی کا ماحول پیدا کرنے کا راستہ ہموار کیا. افواجِ پاکستان کا خادمین الحرمین شریفین کے شانہ بشانہ الحرمین شریفین کے تحفظ کیلئے عملی اقدام پاکستانی عوام کیلئے اعلیٰ اعزاز اور سعادت کاباعث ہے.
مزید کہا کہ غیرت ایمان سے سرشار پاک سعودی افواج سرزمینِ الحرمین شریفین کے دفاع کیلئے سیسہ پلائی دیوار کی طرح کھڑی ہیں. دونوں برادر ممالک کا اتحاد دنیا میں طاقت کے توازن اور حقیقی قیام امن کی نئی نوید ہے.
آج دنیا پاکستان کی عسکری دفاعی طاقت اور بہترین خارجہ پالیسی کی معترف ہورہی ہے.اوورسیز پاکستانیز اپنے رہائشی ملک بالخصوص سعودی عرب کے قوانین کا احترام کریں.اور اداروں کی ہدایات پر سختی سے عمل کریں.
