گوجرانوالہ میں سردار طلعت محمود خان کی جانب سے پرتکلف عشائیہ، سعودی عرب سے آئے معزز مہمانوں کی شرکت
زبیر خان بلوچ : پی این پی نیوز ایچ ڈی
گوجرانوالہ میں معروف سماجی و کاروباری شخصیت سردار طلعت محمود خان کی جانب سے ایک پرتکلف عشائیے کا اہتمام کیا گیا، جس میں سعودی عرب سے تشریف لائے معزز مہمانوں اور مختلف شعبہ ہائے زندگی سے تعلق رکھنے والی شخصیات نے شرکت کی.
تقریب میں اعجاز چوہدری، سید وقاص، مبشر افضل چیمہ، حافظ مطلوب، سردار حاجی لطیف، سردار امجد کامران، ذوالفقار چٹھہ، امان اللہ، ناصر گورائیہ، معظم چوہدری اور سردار انس خان سمیت دیگر معزز مہمان شریک ہوئے.
اس موقع پر پاکستان اور سعودی عرب کے درمیان دیرینہ برادرانہ تعلقات، تجارتی روابط، سرمایہ کاری کے مواقع اور باہمی تعاون کے فروغ پر تفصیلی تبادلہ خیال کیا گیا۔ شرکاء نے دونوں ممالک کے مابین مضبوط تعلقات کو وقت کی اہم ضرورت قرار دیتے ہوئے کہا کہ عوامی سطح پر روابط کے فروغ سے دوطرفہ دوستی اور تعاون کو مزید وسعت ملے گی.
مقررین کا کہنا تھا کہ اس نوعیت کی تقریبات نہ صرف باہمی محبت، بھائی چارے اور ہم آہنگی کو فروغ دیتی ہیں بلکہ مختلف شعبوں سے وابستہ افراد کو ایک دوسرے کے تجربات سے استفادہ کرنے کا موقع بھی فراہم کرتی ہیں.
تقریب خوشگوار ماحول میں اختتام پذیر ہوئی، جہاں مہمانوں نے میزبان سردار طلعت محمود خان کا پرتپاک استقبال اور بہترین انتظامات پر شکریہ ادا کیا.
