ریاض میں پاکستانی فنانس لیڈرز حب کے زیرِ اہتمام سائیکل ریس کا انعقاد
ریاض رپورٹ عالم خان مہمند: پی این پی نیوز ایچ ڈی
سعودی دارالحکومت ریاض میں پاکستانی فنانس لیڈرز حب کے زیرِ اہتمام سائیکل ریس کا انعقاد کیا گیا، جس میں سعودی عرب میں مقیم پاکستانی فنانس کمیونٹی کی معروف شخصیات نے بھرپور شرکت کی.
تقریب میں ضیاء مصطفیٰ، ڈاکٹر محمد عظیم، محمد نعمان، شکیل احمد، اجمل نیاز، نعیم قریشی اور مبشر خان سمیت دیگر شخصیات شریک ہوئیں.
شرکاء نے اس موقع پر کہا کہ اس طرح کی صحت مند اور تفریحی سرگرمیاں جسمانی فٹنس کے ساتھ ذہنی تازگی کا بھی باعث بنتی ہیں.
شکیل احمد نے اپنے خیالات کا اظہار کرتے ہوئے کہا کہ فنانس ایک مصروف اور دباؤ والا شعبہ ہے، اس لیے ایسی سرگرمیاں انسان کو متحرک اور توانا رکھتی ہیں، جس سے پیشہ ورانہ کارکردگی میں بھی بہتری آتی ہے.
اس موقع پر ضیاء مصطفیٰ نے کہا کہ ایسے پروگرام نہ صرف صحت مند طرزِ زندگی کو فروغ دیتے ہیں بلکہ کمیونٹی کے افراد کے درمیان روابط کو بھی مضبوط بناتے ہیں.
سائیکل ریس کے اختتام پر مبشر خان اور نعیم قریشی نے تمام شرکاء کا شکریہ ادا کیا، جبکہ شرکاء کے لیے ناشتے کا بھی اہتمام کیا گیا.
آخر میں ڈاکٹر محمد عظیم نے پروگرام کو کامیاب بنانے پر تمام منتظمین اور شرکاء کا شکریہ ادا کیا.
