الخبر میں چوہدری ندیم اختر گجر کو ویژنری لیڈر ایوارڈ سے نواز دیا گیا

خصوصی رپورٹ عالم خان مہمند : پی این پی نیوز ایچ ڈی

دی ٹیلنٹ انٹرنیشنل کے زیرِ اہتمام الخبر، سعودی عرب میں ایک پروقار تقریب کا انعقاد کیا گیا، جس میں معروف سماجی شخصیت، اوورسیز رہنما، مبصر اقوامِ متحدہ، صدر پاکستان اوورسیز ایسوسی ایشن فورم انٹرنیشنل سعودی عرب، چیئرمین انٹرنیشنل ہیومن رائٹس موومنٹ سعودی عرب اور فوکل پرسن پاکستان ایمبیسی سعودی عرب چوہدری ندیم اختر گجر کو مختلف شعبہ جات میں 25 سال سے زائد عرصے پر محیط نمایاں خدمات کے اعتراف میں عظیم اعزاز “دوراندیش لیڈر (Visionary Leader)” ایوارڈ سے نوازا گیا.

تقریب میں مختلف سماجی، کاروباری، ادبی اور اوورسیز شخصیات نے شرکت کی اور چوہدری ندیم اختر گجر کی قومی و بین الاقوامی خدمات کو خراجِ تحسین پیش کیا.

ایوارڈ وصول کرنے کے بعد چوہدری ندیم اختر گجر نے اپنے خطاب میں کہا کہ وہ یہ اعزاز شہدائے پاکستان اور غازیوں کے نام کرتے ہیں، جن کی قربانیوں کی بدولت پاکستان کا دفاع ناقابلِ تسخیر بنا اور ہمیں ارضِ حرمین شریفین کے محافظ بننے کی سعادت نصیب ہوئی.

انہوں نے مزید کہا کہ وہ اور ان کی ٹیمیں ڈاکٹر منشا طاہر، غلام مصطفیٰ، سلیکشن کمیٹی اور انتظامیہ کے تہہ دل سے مشکور ہیں جنہوں نے انہیں اس اعزاز کے لیے منتخب کیا.

تقریب سے خطاب کرتے ہوئے پروگرام کے چیف آرگنائزر اور چیئرمین دی ٹیلنٹ انٹرنیشنل ڈاکٹر منشا طاہر نے کہا کہ چوہدری ندیم اختر گجر ایک منفرد اور دوراندیش قیادت کی حامل شخصیت ہیں، جنہیں مختلف اداروں کی جانب سے متعدد اعزازات سے نوازا جا چکا ہے.

انہوں نے کہا کہ چوہدری ندیم اختر گجر نے مختلف سرکاری و غیر سرکاری اداروں کی سربراہی اور نمائندگی کرتے ہوئے اپنی قائدانہ صلاحیتوں کے ذریعے نہ صرف پاکستان بلکہ بین الاقوامی سطح پر بھی ملک کا نام روشن کیا ہے.

تقریب کے اختتام پر مہمانوں نے چوہدری ندیم اختر گجر کی خدمات کو سراہتے ہوئے ان کے لیے نیک تمناؤں کا اظہار کیا.