شندور پولو فیسٹیول 11 جون سے شروع ہوگا، تیاریاں مکمل

اسٹاف رپورٹ : پی این پی نیوز ایچ ڈی

چترال: دنیا کے بلند ترین پولو گراؤنڈ شندور پولو گراؤنڈ میں سالانہ شندور پولو فیسٹیول کے انعقاد کے لیے تمام انتظامات مکمل کر لیے گئے ہیں.

ضلعی انتظامیہ کے مطابق شندور پولو فیسٹیول 11 جون سے 13 جون تک جاری رہے گا، جس میں ملک بھر کے علاوہ غیر ملکی سیاحوں کی بڑی تعداد کی شرکت متوقع ہے۔ فیسٹیول کے دوران روایتی پولو مقابلوں کے ساتھ ساتھ ثقافتی اور تفریحی سرگرمیوں کا بھی اہتمام کیا جائے گا.

ڈپٹی کمشنر اپر چترال نے بتایا کہ فیسٹیول کے پرامن انعقاد کے لیے سکیورٹی کے فول پروف انتظامات کیے گئے ہیں، جبکہ سیاحوں کی سہولت کے لیے ضروری انتظامی اقدامات بھی مکمل کر لیے گئے ہیں.

شندور پولو فیسٹیول ہر سال شندور پاس میں منعقد کیا جاتا ہے اور اسے دنیا کے بلند ترین پولو مقابلوں میں شمار کیا جاتا ہے، جو ملکی و غیر ملکی سیاحوں کے لیے خصوصی دلچسپی کا باعث بنتا ہے.