سابق وزیر اعظم عمران خان کا پمز اسپتال میں آنکھوں کا دوسرا معائنہ، انجیکشن کی دوسری خوراک دے دی گئی
اسٹاف رپورٹ :پی این نیوز ایچ ڈی
سابق وزیر اعظم اور بانی پاکستان تحریک انصاف عمران خان کو آنکھ کے علاج کے فالو اَپ کے لیے پاکستان انسٹی ٹیوٹ آف میڈیکل سائنسز (پمز) منتقل کیا گیا، جہاں انہیں اینٹی وی ای جی ایف انٹرا وٹرئیل انجیکشن کی دوسری خوراک دے دی گئی.
پمز کے ایگزیکٹو ڈائریکٹر کے مطابق بانی پی ٹی آئی کو 24 فروری کو اڈیالہ جیل سے پمز لایا گیا۔ انجیکشن سے قبل کارڈیالوجسٹ کنسلٹنٹ کی جانب سے ایکو کارڈیوگرافی اور ای سی جی سمیت ضروری طبی معائنہ کیا گیا، جن کے نتائج نارمل آئے.
اسپتال اعلامیے کے مطابق دورانِ قیام، پروسیجر کے وقت اور بعد میں عمران خان کے وائٹل سائنز مستحکم رہے، جبکہ کنسلٹنٹ فزیشن نے بھی انہیں طبی طور پر فِٹ قرار دیا.
یہ پروسیجر پمز اور شفا انٹرنیشنل ہسپتال کے کنسلٹنٹ اوفتھلمولوجسٹ اور وائٹریو ریٹینل سرجن کی نگرانی میں ڈے کیئر سرجری کے طور پر مکمل کیا گیا۔ طریقہ کار سے قبل ماہرین کے بورڈ نے تفصیلی معائنہ بھی کیا.
اعلامیے میں کہا گیا ہے کہ معائنے اور انجیکشن کے بعد بانی پی ٹی آئی کو ضروری ہدایات، فالو اَپ شیڈول، ادویات کے نسخے اور متعلقہ دستاویزات فراہم کرکے ڈسچارج کر دیا گیا.
