Influential man tortures lady health worker for rubella and measles vaccinations 164

روبیلا اور خسرہ کے حفاظتی ٹیکے لگانے والی لیڈی ہیلتھ ورکر کو بااثر شخص نے تشدد کا نشانہ بناڈالا

(سٹاف رپورٹ،تازہ اخبار،پاک نیوز پوائنٹ )
گوجرانوالہ کے علاقے علی پور چٹھہ میں لیڈی ہیلتھ ورکر کا حفاظتی ٹیکے لگانا جرم بن گیا، خسرہ اور روبیلا مہم کے دوران خاتون ہیلتھ ورکر پر بااثر شخص نے تشدد کرکے انگلی توڑ دی۔
لیڈی ہیلتھ ورکر کے مطابق اس نے بچوں کو حفاظتی ٹیکے لگانے کیلئے دروازے پر دستک دی تو با اثر شخص آپے سے باہر ہوگیا، اور بیہمانہ تشدد کا نشانہ بنایا، درندہ صفت انسان منہ پر تھپڑ مارتا رہا اور پوچھتا رہا کہ دروازے پر دستک کیوں دی۔
متاثرہ خاتون ہیلتھ ورکر نے بااثر ملزم کے خلاف کارروائی کا مطالبہ کرتے ہوئے بتایا کہ بااثر شخص نے اس قدر تشدد کیا کہ سر میں چوٹ آئی اور ہاتھ کی انگلی بھی ٹوٹ گئی، دادرسی کے لئے تھانہ علی پور چٹھہ گئی تو پولیس نے تھانے سے باہر نکال دیا.

اس خبر پر اپنی رائے کا اظہار کریں

اپنا تبصرہ بھیجیں