مٹی میں تو راکھ ملائے مٹی کیسے جگ مہکائے

سیدہ نمیرہ محسن شیرازی : پی این پی نیوز ایچ ڈی

تیرا ساتھ جہنم جیسا
روم روم میرا آگ جلائے

مٹی میں تو راکھ ملائے
مٹی کیسے جگ مہکائے

تاراتارا آنکھیں پھوڑے
رو رو سانوری جیون بتائے

ناگن زلفیں، چاند سا چہرہ
من موہنی کا روپ گہنائے

کوئل جیسی کوکے ناری
اب کیوں تجھ کو راگ سنائے

کومل کومل ہردے اندر
ہرجائی تیری پریت نہ آئے

تنہا تنہا ہر دکھ سہہ گئی
اب کیسے وہ ساتھ نبھائے