علی امین گنڈا پور کا دعویٰ، محسن نقوی نے سابق وزیر اعظم عمران خان کی رہائی کیلئے ہمیشہ مثبت اور سنجیدہ کوششیں کیں

اسٹاف رپورٹ :پی این نیوز ایچ ڈی

سابق وزیراعلیٰ خیبر پختونخوا علی امین گنڈا پور نے کہا کہ محسن نقوی نے ہمیشہ کوشش کی کہ سابق وزیر اعظم عمران خان کو رہائی مل جائے اور ملک سے انارکی کا خاتمہ ہو.

سابق وزیراعلی خیبرپختونخوا علی امین گنڈاپور نے میڈیا سے گفتگو میں کہا بانی کی رہائی کیلئے حکومت کی مذاکراتی کمیٹی بھی محسن نقوی کی کوششوں سے بنی تھی.

علی امین گنڈا پور نے کہا کہ محسن نقوی نے ہمیشہ مثبت کردار ادا کیا، تمام سیاسی جماعتوں کے رہنما بھی اس بات پر متفق تھے کہ انتقامی کارروائیاں نہیں ہونی چاہئیں اور بانی پی ٹی آئی کو رہائی ملنی چاہئے.

سابق وزیراعلیٰ کا مزید کہنا تھا کہ جب تک سابق وزیر اعظم عمران خان کی صحت کے حوالے سے ہمارے مطالبات تسلیم نہیں کئے جاتے اس وقت تک ہمارا دھرنا جاری رہے گا.