وزیر اعلیٰ خیبر پختونخوا محمد سہیل آفریدی کی زیر صدارت ”ڈیجیٹل خیبر پختونخوا“ کے حوالے سے اجلاس

اسٹاف رپورٹ: پی این نیوز ایچ ڈی

صوبے کے تمام امور کو بتدریج ڈیجیٹلائزیشن کی طرف لے جایا جا رہا ہے، ڈیجیٹل پیمنٹ ایکٹ تیار کر لیا گیا ہے، جلد کابینہ سے منظوری کے لیے پیش کیا جائے گا، اس نظام کے تحت حکومت، عوام اور تاجروں کے تمام ادائیگی کے معاملات ڈیجیٹل کیے جائیں گے۔ محمد سہیل آفریدی
• ڈیجیٹلائزیشن کا مقصد مالیاتی امور میں شفافیت، سہولت اور مؤثریت کو یقینی بنانا ہے، اب تک 170 مختلف سروسز کی نشاندہی کی جا چکی ہے جنہیں ڈیجیٹل نظام میں شامل کیا جائے گا، 14 مختلف سروسز کی ڈیجیٹلائزیشن مکمل کر لی گئی ہے، بریفننگ

انتقالِ جائیداد ٹیکس، جائیداد ٹیکس، اسلحہ لائسنس، ابیانہ، ڈرائیونگ لائسنس، پلاٹ رجسٹریشن، ایچ ای سی داخلہ اور شکار لائسنس فیس وغیرہ شامل ہیں، مزید 34 سروسز کو دسمبر 2025 تک ڈیجیٹائز کیا جائے گا، جس سے تقریباً 12.3 ارب روپے کی بچت متوقع ہے، جون 2026 تک تمام 170 سروسز کی ڈیجیٹلائزیشن مکمل کر لی جائے گی، بریفننگ

ڈیجیٹلائزیشن کی پیش رفت کا جائزہ لینے کے لیے ہر دو ہفتے بعد ریویو میٹنگ منعقد کی جائے گی، ہم خیبر پختونخوا کو معاشی طور پر خودکفیل اور جدید طرزِ حکمرانی کی مثال بنائیں گے، محمد سہیل افریدی