بیورو رپورٹ (ایچ ایم فیاض،تازہ اخبار،پاک نیوز پوائنٹ )
وزیر جیل خانہ جات و ترجمان حکومت پنجاب فیاض الحسن چوہان کا گریٹر اقبال پارک میں خاتون سے دست درازی کے واقعہ شدید ردعمل متاثرہ لڑکی سے فون پر بات کی انہوں نے کہا اسلامی اقدار کے حامل ہمارے مشرقی معاشرے میں خواتین عزت و احترام کے اعلیٰ درجے پر ہیں۔پاکستانی معاشرے میں ماں، بہن اور بیٹی کی عزت سانجھی گردانی جاتی ہے۔ فیاض الحسن چوہان نے کہا چند سو افراد کے قبیح فعل نے پورے معاشرے کا سر شرم سے جھکا دیا ہے۔لاری ادا پولیس اسٹیشن میں واقعے کی ایف آئی آر درج ہو چکی ہے، اور ویڈیو کی مدد سے ملوث ملزمان کی نشاندہی کی جا رہی ہے۔وزیرِ اعلیٰ پنجاب سردار عثمان بزدار کی ہدایات پر ملزمان کو سخت سزا دی جائے گی۔حکومت ملزمان کو کیفر کردار تک پہنچائے گی تا کہ مستقبل میں ایسے واقعات نہ ہوں
