سینئر صحافی شاہین جاوید کی جانب سے مرحوم والدین کے ایصالِ ثواب اور افطار ڈنر کا خصوصی انتظام کیا گیا
الریاض رپورٹ عالم خان مہمند :پی این نیوز ایچ ڈی
سعودی دارالحکومت ریاض کی سینئر صحافی شاہین جاوید کی جانب سے ایک باوقار افطار ڈنر کا انعقاد کیا گیا۔ اس افطار ڈنر کا مقصد ان کے مرحوم والدین کے ایصالِ ثواب اور ان کے لیے اجتماعی دعا کا اہتمام کرنا تھا، جس میں سفارتخانہ پاکستان کی جانب سے ٹریڈ منسٹر شگفتہ زرین، ویلفیئر اتاشی جنت حسین، پریس اتاشی حسیب سلطان ,سفارتِ پاکستان کے دیگر عملےسمیت پاکستانی کمیونٹی اور صحافی برادری کی بڑی تعداد نے شرکت کی.
تقریب کا آغاز مرحومین کے لیے اجتماعی دعا سے ہوا، جس میں اللہ تعالیٰ سے ان کے درجات کی بلندی اور مغفرت کی دعا کی گئی۔ شرکاء نے مرحومین کے لیے فاتحہ خوانی کی اور میزبان خاندان کے ساتھ اظہارِ تعزیت بھی کیا.
تقریب میں شرکت کرنے والی شخصیات میں سینئر صحافیوں میں مبشر انوار ، وسیم خان، جہانزیب ، امتیاز احمد ، خرم خان، تسنیم امجد ،حافظ عرفان کھٹانہ، سردار طلت محمود ، عدنان بٹ ، مانک چنگوانی بلوچ، سلمان قریشی سمیت دیگر معزز مہمان شامل تھے.
شرکاء نے مرحومین کے ایصالِ ثواب کے لیے دعا کرتے ہوئے میزبان خاندان کے صبر و استقامت کے لیے بھی دعا کی.
پروگرام کے اختتام پر شاہین جاوید، عبداللہ جاوید اور محمد فواز نے تمام مہمانوں کا شکریہ ادا کیا جنہوں نے اس مشکل گھڑی میں ان کے ساتھ اظہارِ ہمدردی کیا اور تقریب میں شرکت کی.
افطار ڈنر میں سفارتِ پاکستان کے عملے کے ارکان، مختلف میڈیا اداروں سے وابستہ صحافیوں اور پاکستانی کمیونٹی کے نمایاں افراد نے شاہین جاوید اور ان کے خاندان کے ساتھ دلی ہمدردی کا اظہار کرتے ہوئے مرحومین کے لیے خصوصی دعائیں کیں.
