ریاض فنانس لیڈرز حب کی جانب سے تمام مسلمانوں کو عید کی خوشیوں بھری مبارک باد
الریاض رپورٹ عالم خان مہمند :پی این نیوز ایچ ڈی
ریاض فنانس لیڈرز حب کی جانب سے دنیا بھر میں مقیم سمندر پار پاکستانیوں کو خراجِ تحسین پیش کرتے ہوئے کہا گیا ہے کہ بیرونِ ملک بسنے والے پاکستانی درحقیقت قوم کے اصل ہیروز ہیں، جو وطن سے دور رہ کر محنت، لگن اور دیانتداری سے نہ صرف اپنا روزگار کما رہے ہیں بلکہ پاکستان کی معیشت کو مستحکم بنانے میں بھی کلیدی کردار ادا کر رہے ہیں.
ادارے کی جانب سے جاری بیان میں کہا گیا کہ اوورسیز پاکستانیوں کی خدمات اور قربانیاں بے مثال ہیں، اور ان کی بھیجی گئی ترسیلاتِ زر ملکی معیشت کے لیے ریڑھ کی ہڈی کی حیثیت رکھتی ہیں۔ بیان میں مزید کہا گیا کہ یہ افراد اپنی محنت سے نہ صرف اپنے خاندانوں کی کفالت کرتے ہیں بلکہ ملک کا نام بھی روشن کرتے ہیں.
اس موقع پر ریاض میں قائم کمیونٹی پلیٹ فارم نے تمام مسلمانوں کو عید کی دلی مبارکباد پیش کرتے ہوئے دعا کی کہ اللہ تعالیٰ سب کی قربانیوں کو قبول فرمائے اور ان کی زندگیوں کو خوشیوں، کامیابیوں اور برکتوں سے بھر دے.
بیان میں اس امید کا اظہار بھی کیا گیا کہ عید کا یہ پرمسرت موقع دنیا بھر میں بسنے والے پاکستانیوں کے لیے خوشیوں، آسانیوں اور نئی امیدوں کا پیغام لے کر آئے گا.
