(سٹاف رپورٹ،تازہ اخبار،پاک نیوز پوائنٹ )
اجلاس میں قومی سلامتی کےمشیر ڈاکٹر معید یوسف، معاون خصوصی ڈاکٹر شہباز گل، کامرس ڈویژن اور توانائی ڈویژن کے سیکریٹری صاحبان اور سینئر اہلکار شریک۔اجلاس کو بتایا گیا کہ پاکستان کی موجودہ برآمدات کے حجم میں مجموعی طور پر 30 ارب ڈالر کا اضافہ ممکن ہے۔ برآمدات بڑھانے کے ضمن میں ممکنہ طور پر آئ ٹی، ٹیکسٹائل، ادویات، پولٹری، چاول ، سبزیاں اور میواجات، چمڑا، نمک، سنگ مرمر، سرا میکس اور سرجیکل اوزار سمیت 19 مصنوعات پر توجہ دینے کی ضرورت ہے۔
کامرس ڈیویژن نے آگاہ کیا کہ تمام شراکت داروں بشمول صنعتکاروں، برآمد کنندگان اور متعلقہ سرکاری اداروں سے مشاورت کا عمل جاری ہے۔
وزیر اعظم نے اس بات پر زور دیا کے تمام معاشی اعشارئیے مثبت سمت میں بڑھ رہے ہیں تاہم درآمدات اور برآمدات کے درمیان پائے جانے والے فرق کو کم کرنے کے لئے ہنگامی اقدامات اٹھانے کی اشد ضرورت ہے۔
حکومت برآمد کنندگان کے لیے آسانیاں پیدا کر رہی ہے۔ غیر ممالک میں تعینات پاکستان کے ٹریڈ اینڈ انویسٹمنٹ افسران کے کے لیے اہداف متعین کئے جائیں۔ وزیر اعظم کی کامرس ڈویژن کو ہدایت۔
کامرس ڈیویژن اگلے دو ہفتوں میں آسٹریٹیجک ایکسپورٹ فریم ورک منظوری کے لیے پیش کرے۔ وزیر اعظم کی کامرس ڈیویژن کو ہدایت،وزیرِ اعظم نے کہا کہ پاکستانی برآمدات میں اضافے کے ضمن میں مارکیٹ اور مصنوعات میں تنوع لانا موجودہ حکومت کی اولین ترجیح ہے
وزیرِ اعظم نے کہا کہ پاکستانی کاروباری برادری میں بےشمار پوٹینشل موجود ہے۔
کاروباری برادری کو موافق فضا اور کاروبار دوست پالیسیوں کی فراہمی حکومت کی اولین ترجیح ہے۔
انہوں نے کہا کہ حکومت کاروباری برادری کی مشاورت سے پالیسیوں کی تشکیل کے فلسفے پر عمل پیرا ہے اور حکومت اور انڈسٹری کی مضبوط پارٹنر شپ کا سلسلہ جاری رہے گا۔ انہوں نے کہا کہ جہاں ایک طرف حکومت کاروباری برادری کو ہر ممکنہ سہولت فراہم کرنے کی پالیسی پر سختی سے عمل پیرا ہے وہاں حکومت کاروباری برادری سے توقع کرتی ہے کہ وہ ان مواقع کا بھرپور فائدہ اٹھائیں اور ملکی معیشت کے استحکام میں حکومت کا بھرپور ساتھ دیں۔
