پشاور زلمی کے مینٹور اور سابقہ ویسٹ انڈین کرکٹر ڈیرن سیمی نے بھارتی ٹیم کی شکست پر خوب زخموں پر نمک چھڑک دیا 273

پشاور زلمی کے مینٹور اور سابقہ ویسٹ انڈین کرکٹر ڈیرن سیمی نے بھارتی ٹیم کی شکست پر خوب زخموں پر نمک چھڑک دیا

(سٹاف رپورٹ،تازہ اخبار،پاک نیوز پوائنٹ )

سماجی رابطے کی ویب سائٹ ٹوئٹر پر پشاور زلمی کے مینٹور اور سابق ویسٹ انڈین کرکٹر ڈیرن سیمی نے بھارتی ٹیم کی شکست پر خوب لتے لیتے ہوئے 911پر کال کرنے کا کہہ دیا۔
میگا ایونٹ میں پاکستان کے بعد نیوزی لینڈ سے عبرتناک شکست کے بعد ڈیرن سیمی نے پیغام جاری کرتے ہوئے لکھا کہ میں نے ابھی ابھی گانا سنا ہے “someone plese call 911” میں مشکل میں ہوں ،میں بہت زیادہ مشکل میں ہوں۔
واضح رہے کہ یہ بول ہیٹی کے مشہور ریپر وائکلف جین کے گانے سے لیے گئے ہیں اور 911 امریکہ میں ایمرجنسی صورتحال میں مدد کے لیے ملایا جانے والا نمبر ہے۔
یاد رہے کہ پاکستانی ٹیم نے بھارت کو 29سال بعد ورلڈ کپ میں پہلی مرتبہ شکست دی اور 10وکٹوں سے فتح حاصل کرکے تاریخ رقم کی جبکہ گزشتہ روز نیوزی لینڈ کے ہاتھوں بھی سورماؤں کو 8وکٹوں سے مات کا سامنا کرنا پڑا۔
شکست کے بعد بھارتی ٹیم کے سیمی فائنل میں پہنچنے کے امکانات نہ ہونے کے برابر ہیں جبکہ ٹوئٹر پر بین آئی پی ایل کا بھی ٹرینڈ چلایا گیا اور کوہلی سمیت انڈین ٹیم کو انتہا پسندوں کی جانب سے دھمکیاں دی گئیں۔

اس خبر پر اپنی رائے کا اظہار کریں

اپنا تبصرہ بھیجیں