اوورسیز پاکستانی صحافیوں کی تنظیم کا عالمی یوم صحافت پر ورچوئل کانفرنس، آزاد صحافت پر زور

اسٹاف رپورٹ : پی این پی نیوز ایچ ڈی

دنیا بھر میں مقیم اوورسیز پاکستانی صحافیوں کی سب سے بڑی تنظیم، پاک میڈیا جرنلسٹ فورم انٹرنیشنل نے عالمی یوم صحافت کی آزادی کے موقع پر ایک انٹرنیشنل ورچوئل کانفرنس کا انعقاد کیا.

اس کانفرنس میں دنیا بھر سے تعلق رکھنے والے ملکی و غیر ملکی صحافیوں، میڈیا پروفیشنلز، تجزیہ کاروں، مختلف ممالک کے سفراء، ماہرین اور تنظیم کے اراکین و عہدیداران نے شرکت کی.اجلاس کی صدارت چیئرمین چوہدری نورالحسن گجر اور صدر ڈاکٹر عبدالرحمن اسامہ نے کی، جبکہ نظامت کے فرائض اینکر پرسن رامین محمود نے سرانجام دیے.

تقریب کے مہمان خصوصی چیئرمین اوورسیز پاکستانی فاؤنڈیشن (OPF) سید قمر رضا اور چیئرمین اوورسیز پاکستانی کمیشن بیرسٹر امجد ملک تھے.

شرکاء نے کہا کہ آزادی صحافت جمہوری اقدار کے فروغ، شفافیت اور اداروں کو جوابدہ بنانے میں کلیدی حیثیت رکھتی ہے۔ انہوں نے تشویش ظاہر کرتے ہوئے کہا کہ دنیا بھر میں صحافی سنسرشپ، غلط معلومات کے پھیلاؤ، پیشہ ورانہ خطرات اور آزادی اظہار پر پابندیوں جیسے سنگین مسائل کا سامنا کر رہے ہیں.

مہمان خصوصی سید قمر رضا اور بیرسٹر امجد ملک نے کہا کہ حکومت پاکستان اوورسیز صحافیوں کو مراعات فراہم کرنے اور ان کے مسائل حل کرنے کے لیے کوشاں ہے۔ انہوں نے اس ورچوئل کانفرنس کو پیشہ ورانہ اصولوں اور آزادی صحافت کے حوالے سے عالمی آگاہی کے لیے اہم اقدام قرار دیا.

کانفرنس میں دیگر نمایاں شخصیات میں امریکہ میں اقوام متحدہ میں انسانی حقوق کے سفیر ڈاکٹر ملک ندیم عابد، جرمنی میں پاکستانی سفیر ثقلین سیدہ، آسٹریا میں پاکستان کے سفیر کامران اختر، وائس چانسلر ہزارہ یونیورسٹی ڈاکٹر اکرام اللہ خان، یونیورسل پیس فیڈریشن آسٹریا کے صدر پیٹر ہائیڈر، معروف سعودی صحافی ڈاکٹر سمیرا عزیز، امریکی صحافی ہینا لوٹس، پاکستانی امریکن پولیٹیشن شازیہ شاہ، نائیجیرین صحافی ٹیموتھی، ترجمان غزہ و فلسطین جلال الفرا اور یوکے پریس کلب کے عہدیداران شامل تھے.