سعودی عرب میں تعینات برطانیہ کی کونسل جنرل نے اسلام قبول کرلیا ہےاور اپنا نام تبدیل کرکے سیف اشر رکھ لیا ہے، ٹویٹر پر بھی نام تبدیل کرلیا. 256

سعودی عرب میں تعینات برطانیہ کی کونسل جنرل نے اسلام قبول کرلیا ہےاور اپنا نام تبدیل کرکے سیف اشر رکھ لیا ہے، ٹویٹر پر بھی نام تبدیل کرلیا.

(سٹاف رپورٹ،تازہ اخبار،پاک نیوز پوائنٹ )

خبررساں ادارے کی رپورٹ کے مطابق مائیکرو بلاگنگ ویب سائٹ ٹویٹر پر برطانو ی کونسل جنرل کی مسجد نبوی میں کھڑے ہوکر بنوائی گئی تصویر بھی وائرل ہورہی ہے، انہوں نے چند روز قبل اپنے ٹویٹر اکاؤنٹ سے یہ تصویر خود شیئر کی تھی اور کہا تھا کہ میں اپنے پسندیدہ شہر مدینہ واپس آنے پر بہت خوش ہوں اور میں نے مسجد نبوی میں فجر کی نماز بھی ادا کی ہے.
سوشل میڈیا پر صارفین کی جانب سے برطانوی کونسل جنرل سیف اشر کو اسلام قبول کرنے پر مبارکباد کے پیغامات دے رہے ہیں، مسلمان صارفین کی جانب سے انہیں دائرہ اسلام میں داخل ہونے پر خوش آمدید کہا جارہا ہے اور انہیں اچھے مستقبل کی دعائیں بھی دی جارہی ہیں.
سیف اشر نے سوشل میڈیا پر مسلمان بھائیوں کی جانب سے ملنے پر دعائیہ پیغامات پر بھی شکریہ ادا کیا ۔


یادرہے کہ یہ پہلا واقعہ نہیں ہے کہ برطانیہ کے سفارتی عملے میں سے کسی نے اسلام قبول کیا ہو ، سیف اشر سے قبل سعودی عرب میں برطانوی سفیر سائمن کولس نے بھی 2016 میں اسلام قبول کیا تھا۔

اس خبر پر اپنی رائے کا اظہار کریں

اپنا تبصرہ بھیجیں