ریاض میں شاہد رشید کی اہلیہ ربیعہ بنت طارق کی رہائش گاہ پر پرتکلف دعوت
ریاض سعودی عرب : رپورٹ عالم خان مہمند ، پی این نیوز ایچ ڈی
سعودی عرب کے دارالحکومت ریاض میں معروف سیاسی و سماجی شخصیت شاہد رشید کی اہلیہ ربیعہ بنت طارق کی رہائش گاہ پر ایک پرتکلف دعوت کا اہتمام کیا گیا، جس میں ریاض میں مقیم ممتاز صحافیوں اور سماجی شخصیات نے شرکت کی.
تقریب میں وسیم خان، زبیر خان بلوچ، عالم خان مہمند ، ڈاکٹر حکیم خان، عبداللہ ملک، حاجی فضل واحد اور ایمان بلال سمیت دیگر معزز شخصیات شریک ہوئیں۔ دعوت خوشگوار ماحول میں منعقد ہوئی جہاں مختلف سماجی و قومی امور پر تبادلہ خیال کیا گیا.
اس موقع پر ربیعہ بنت طارق نے کراچی کے سانحہ گل پلازہ پر گہرے دکھ اور افسوس کا اظہار کرتے ہوئے مرحومین کے لیے دعائے مغفرت کی، جبکہ لواحقین کے ساتھ اظہارِ ہمدردی بھی کیا گیا.
دعوت کے دوران اوورسیز پاکستانیوں کو درپیش مسائل پر تفصیلی گفتگو کی گئی۔ شرکاء نے اس بات پر زور دیا کہ سعودی عرب میں مقیم تمام افراد کی مشترکہ ذمہ داری ہے کہ وہ سعودی قوانین اور ضوابط کا مکمل احترام کریں، کیونکہ سعودی عرب ہمارا دوسرا گھر ہے اور یہاں کے قوانین کی پاسداری ہی عزت، تحفظ اور کامیابی کی ضمانت ہے.
تقریب کے اختتام پر باہمی تعاون، اتحاد اور معاشرے میں مثبت کردار ادا کرنے کے عزم کا اظہار کیا گیا.
