سٹاف رپورٹ(پاک نیوز پوائنٹ )
سعودی عرب جانے والے 18 سال سے زائد عمر کے افراد کو آج سے ایسٹرازینکا لگے گی
وزیراعظم کے معاون خصوصی برائے صحت ڈاکٹر فیصل سلطان کا کہنا ہے کہ سعودی عرب جانے والے 18 سال سے زائد عمر کے افراد آج سے ایسٹرازینیکا ویکسین لگوا سکتے ہیں۔
منگل کو نجی چینل کے پروگرام میں گفتگو کرتے ہوئے ڈاکٹر فیصل سلطان کا کہنا تھا کہ سعودی عرب نے ایسٹرازینیکا اور فائزر ویکسین کی منظوری دی ہے لہٰذا سعودی عرب مزدوری کے لیے جانے والے افراد اپنی دستاویزات دکھا کر ایسٹرازینیکا ویکسین لگوا سکتے ہیں.اس سے قبل ، مئی میں ، پاکستانی صحت کے حکام نے 40 سال سے کم عمر لوگوں کے لئے آکسفورڈ کے استعمال پر پابندی عائد کردی تھی۔
انہوں نے کہا کہ آج سے سعودی عرب جانے والے 18 سے زیادہ عمر کے لوگ ایسٹرازینیکا لگوا سکیں گے۔ اس کے لیے انہیں اپنی دستاویزات دکھانا ہوں گی، اگر کسی گاؤں میں ایسٹرازینیکا دستیاب نہیں تو لوگ بڑے شہروں سے ویکسین لگوائیں.
ڈاکٹر فیصل سلطان کا مزید کہنا تھا کہ عالمی ادارہ صحت اپنی منظور شدہ ویکسین دنیا میں تسلیم کرانے کو یقینی بنائے، عالمی ادارہ صحت کی منظور شدہ ویکسین کے حوالے سے سعودیہ عرب سے گفتگو جاری ہے.سائنوویک اور سائنو فام سعودی عرب کی منظورشدہ ویکسین فہرست میں شامل نہیں.سعودی عرب نے صرف فائزر / بائیو ٹیک ، موڈرنا ، آسٹرا زینیکا ، اور جانسن اینڈ جانسن ویکسینوں کی منظوری دی ہے ، جب کہ پاکستان میں زیادہ تر چینی ویکسین استعمال کی جارہی ہیں۔
خیال رہے کہ گذشہ روز حکومت پاکستان نے ایک بار پھر ویکسنیشن کے حوالے سے اپنی پالیسی تبدیل کرتے ہوئے ایسٹرازینیکا ویکسین 40 سال سے کم عمر افراد کو بھی لگانے کی اجازت دے دی ہے جبکہ فائزر ویکسین صرف کمزور قوت مدافعت رکھنے والے اور موزی بیماری میں مبتلا فراد کو لگانے کا فیصلہ کیا ہے.
