پاکستان سوشل سینٹر شارجہ میں متحدہ عرب امارات کا 54 واں عید الاتحاد تزک و احتشام کے ساتھ منایا گیا

متحدہ عرب امارات رپورٹ آصف خان بلوچ :پی این نیوز ایچ ڈی

پاکستان سوشل سینٹر شارجہ کے زیرِ اہتمام UAE نیشنل ڈے کی پروقار اور شاندار تقریب نہایت تزک و احتشام کے ساتھ منعقد ہوئی، جس میں کمیونٹی کے ہر طبقے نے بھرپور شرکت کی۔

تقریب کا آغاز ڈاکٹر اکرم شہزاد کی روح پرور تلاوتِ قرآن سے ہوا، جس نے محفل کو نور و سکون سے بھر دیا۔استقبالیہ خطاب پاکستان سوشل سینٹر شارجہ کے فراز احمد صدیقی نے پیش کیا، جس کے بعد اسٹیج سیکرٹری صائمہ نقوی نے تقریب کی نظامت سنبھالی۔

تقریب میں مسٹر عمران نے بھی UAE اور پاکستان کے باہمی تعلقات پر جامع خطاب کیا۔مس ثمینہ ناصر نے خوبصورت الفاظ میں پاکستانی قوم کو متحد رہنے اور علامہ اقبال کے فرمودات پر عمل کرنے کی تلقین کی۔مس آمنہ نے پاکستان سوشل سینٹر شارجہ کی کاشوں کو سراہا ۔ تقریب هذا میں ڈاکٹر محمود، ملک اسحاق ،عامر حسن، عمر بلوچ، چوہدری ناصر، ثمینہ ناصر، شہاب الدین، چوہدری بشیر شاہد، عظیم ملک، چوہدری ساجد محمود، امان اللہ، سید سلیم اختر، سمیع اللہ اخون خیل، نفیس صاحب، سجاد خان ، مسٹر اعجاز نے شرکت کی-

ایونٹ میں بچوں نے UAE کے تھیم پر تقریریں، ٹیبلو، اور آرٹ کے خوبصورت نمونے پیش کیے۔تقریب میں محمد نہیّان، عماد، علیزہ (تقاریر)، جبکہ ٹیبلو میں مومنہ، سمر، قا نطہ ، خرت، صِفّتِ حسین نے دل موہ لینے والے انداز میں پرفارم کیا۔ڈھول بجانے والی ٹیم نے بھی روایتی جوش و جذبے سے ماحول کو مزید گرمایا۔تقریب میں مشہور گلوکاروں مسٹر حسین، مس نجمِ مُسّرّت اور زدران نے اپنی آواز سے محفل کو رنگین بنایا۔سیدہ عیشال زینب نے نہایت خوبصورت انداز میں UAE کے متعلق سوالات پیش کیے اور جیتنے والوں میں انعامات تقسیم کیے، جسے حاضرین نے بے حد سراہا۔تقریب کے دوران ہال کے باہر مختلف فوڈ، جیولری، دستکاری اور آرٹ اسٹالز بھی لگائے گئے تھے جنہوں نے شرکاء کی خصوصی توجہ حاصل کی۔

پاکستان سوشل سینٹر شارجہ کے صدر چوہدری خالد حسین نے اپنے پیغام میں کہایہ مرکز ہمیشہ کمیونٹی کو ایک پلیٹ فارم فراہم کرنے کے لیے کوشاں رہا ہے۔ UAE نیشنل ڈے ہماری محبت، احترام اور بھائی چارے کی علامت ہے۔ ہم اس سرزمین کے شکر گزار ہیں جس نے ہمیں عزت، امن اور ترقی کے مواقع دیے۔

سٹیج سیکرٹری صائمہ نقوی نے اپنے پیغام میں کہا کہ آج کی یہ تقریب نہ صرف جشن ہے بلکہ دونوں ممالک کے درمیان دوستی اور یکجہتی کی خوبصورت مثال بھی ہے۔ بچوں کا جذبہ، مہمانوں کی شرکت اور کمیونٹی کی محنت—سب نے مل کر اس دن کو یادگار بنا دیا۔تقریب کے اختتام پر کیك کٹنگ تقریب منعقد کی گئی جس میں تمام معزز مہمان شامل ہوئے۔

اس کے بعد سرٹیفکیٹ تقسیم کیے گئے اور UAE میڈیا ٹیم کے تمام ارکان کا خصوصی شکریہ ادا کیا گیا-