جرمنی میں پاکستان پیپلز پارٹی کے بانی اور سابق وزیر اعظم ذوالفقار علی بھٹو کی 47 ویں برسی منائی گئی

رپورٹ مطیع اللہ : پی این پی نیوز ایچ ڈی

جرمنی میں پاکستان پیپلز پارٹی کے بانی اور سابق وزیر اعظم ذوالفقار علی بھٹو کی 47 ویں برسی منائی گئی، پیپلز پارٹی جرمنی کے رہنماوں نے اپنے لیڈر کو زبردست خراجِ تحسین پیش کرتے ہوئے تجدید عہد کیا.

جررمنی دارالحکومت برلن کے مقامی ہال میں پاکستان پیپلز پارٹی برلن کے صدر منظور اعوان کی صدارت میں پیپلز پارٹی کے بانی اور سابق وزیر اعظم پاکستان ذولفقار علی بھٹو کی 47ویں برسی منائی گئی اور انہیں پاکستان کے لیے کئےگئے خدمات پر زبردست خراجِ تحسین پیش کیا گیا.

برسی کی تقریب کا آغاز منہاج القران رہنما فیض احمد کی تلاوتِ کلام پاک سے کیا گیا۔جبکہ منہاج القران جرمنی کے رہنماء میاں عمران الحق نے دعائے مغفرت فرمائی،

تقریب میں برلن کےپیپلز ہوتھ ونگ کارکنان و جیالوں کے علاوہ مذہبی، سیاسی، سماجی ،ادبی اور صحافی برادری نے بھی شرکت کی.

شرکا نے اپنی تقاریر میں کہا کہ ذولفقار علی بھٹو کی خدمات کو پاکستانی تاریخ میں کبھی فراموش نہیں کیا جا سکتا۔ انہوں نے مملکتِ خداد کو پہلا متفقہ آئین دیا، جوہری پروگرام شروع کیا، سٹیل مل اور قومی پیداواری جیسے ادارے بنا کر ملک کو ترقی کی راہ پر گامزن کیا.

سنئیر نائب صدر پاکستان پیپلز پارٹی برلن سردار عابد حسین بلوچ نے اپنے لیڈر ذولفقار علی بھٹو نے کو زبردست الفاظ میں خراجِ تحسین پیش کرتے ہوئے پاکستان کیلئے ان کی خدمات پر روشنی ڈالی کہا کہ بھٹو جیسے لیڈ صدیوں پیدا نہیں ہوتے ہیں، یہ پاکستان کی بدنصیبی ہے کہ ہم نے ایسے عظیم عوامی لیڈر کو کھو دیا جس کا خمیازہ آج تک پاکستان کے عوام ادا کر رہے ہیں.
اس پر موقع پیپلز پارٹی جرمنی مرکزی رہنماء ملک اسماعیل قیصر، مجاہد حسین شاہ،جنرل سیکرٹری اکمل لطیف ،انفارمیشن سیکرٹری ملک ایوب اعوان، ادبی شخصیات سرور غزالی، پاکستان جرمن پریس کلب چئیرمین ظہوراحمد، پیپلز یوتھ ونگ جیالے اور مختلف سیاسی وسماجی شخصیات نے شرکت کی .
پیپلز پارٹی برلن کےصدر منظور اعوان نے شہید ذولفقار بھٹو کی پاکستان کے لیےکئے گئےخدمات پرخراج تحسن پیش کرتے ہوئے جیالے و کارکنان کے ساتھ تجدید عہد وفا کرتے ہوئے پارٹی منشور کے مطابق اگے بڑھانے اعلان کیا.

تقریب کے اختتام میں ذولفقار علی بھٹو شہید کی ایصالِ ثواب اور پاکستان کی سلامتی و ترقی کیلئے دعائیں مانگی گئیں.