تاندلیانوالہ کی پہلی ہارڈ بال کرکٹ لیگ کا ٹائٹل امن اسٹرائیکرز کے نام

اسٹاف رپورٹ :پی این نیوز ایچ ڈی

تاندلیانوالہ میں منعقد ہونے والی ایزی سپر لیگ (رمضان کپ) کا سنسنی خیز فائنل پیر کے روز توقیر شاہ کرکٹ اسٹیڈیم میں کھیلا گیا جس میں امن اسٹرائیکرز نے شاندار کارکردگی کا مظاہرہ کرتے ہوئے ٹائٹل اپنے نام کر لیا.

فائنل میچ میں امن اسٹرائیکرز کے کپتان شکیل عباسی نے ٹاس جیت کر پہلے بیٹنگ کا فیصلہ کیا اور مقررہ 18 اوورز میں 146 رنز کا ہدف دیا۔ جواب میں ٹلیارہ کلب کی ٹیم ہدف کے تعاقب میں دباؤ برداشت نہ کر سکی اور 116 رنز پر آل آؤٹ ہو گئی۔ یوں امن اسٹرائیکرز نے فائنل 29 رنز سے جیت کر تاریخ رقم کر دی.

یہ بات بھی قابل ذکر ہے کہ امن اسٹرائیکرز پوری لیگ میں ناقابل شکست رہی اور اپنے تمام چار میچز جیتنے کے بعد فائنل بھی جیت لیا.

ٹیم کے اونر اور اسپانسر پروفیسر محمد رزاق امن وٹو (صدر پاکستان نظریاتی پارٹی ویسٹ پنجاب) ہیں۔ دیگر اسپانسرز میں محمد اعجاز وٹو (مسقط، عمان)، خرم شہزاد وٹو (مسقط، عمان)، شیر نواز وٹو (سعودی عرب)، محمد حاشر ملک (امریکہ) شامل ہیں.

ٹیم کے مینٹور عظیم اللہ جبکہ کوچ بہاول شیر وٹو ہیں جن کی رہنمائی میں ٹیم نے بہترین کھیل پیش کیا.

انفرادی کارکردگی کے لحاظ سے شکیل عباسی کو شاندار آل راؤنڈ کارکردگی پر مین آف دی ٹورنامنٹ کا ایوارڈ دیا گیا.عمر فاروق اکشے کو بہترین بلے باز کا ایوارڈ ملا.

ٹیم کے دیگر نمایاں کھلاڑیوں میں حسنین وٹو برانڈ آف تاندلیانوالہ، اویس موگلو، عامر (ینگ ٹیلنٹ)، ماسٹر ندیم، بلال (وکٹ کیپر)، ساجد عزیز (آل راؤنڈر)، زبیر شاہ، وسیم وکٹ کیپر، حسن علی، فیاض، محمد آصف اور نسیم وٹو شامل ہیں جنہوں نے ٹیم کی کامیابی میں بھرپور کردار ادا کیا.

خاص طور پر شیر نواز نے بطور مینٹور اور اسپانسر ٹیم کو بھرپور سپورٹ فراہم کی جبکہ پروفیسر محمد رزاق امن وٹو نہ صرف اونر بلکہ ایک کھلاڑی کے طور پر بھی میدان میں اترے اور ایک اہم میچ میں ٹیم کی کامیابی میں اہم کردار ادا کیا.

ٹیم انتظامیہ نے اس کامیاب لیگ کے انعقاد پر لیگ آرگنائزر جناب عمر دراز ایزی اور ان کی پوری ٹیم کو بھی مبارکباد پیش کی.

آخر میں پروفیسر محمد رزاق امن وٹو نے تمام اسپانسرز، سپورٹرز اور کرکٹ شائقین کا شکریہ ادا کرتے ہوئے کہا کہ ہم آئندہ رمضان کپ اور دیگر کرکٹ لیگوں میں بھی اسی جذبے اور تیاری کے ساتھ شرکت کریں گے اور ان شاء اللہ کامیابیوں کا یہ سلسلہ جاری رکھیں گے۔

امن اسٹرائیکرز کی پوری ٹیم کو شاندار کامیابی پر دل کی گہرائیوں سے مبارکباد