تیزاب پھینکنے کے مقدمے میں مطلوب ملزم پولیس مقابلے میں ہلاک
اسٹاف رپورٹ : پی این پی نیوز ایچ ڈی
تیزاب پھینکنے کے مقدمے میں مطلوب ملزم ہمایوں شاہ پولیس مقابلے میں ہلاک ہوگیا۔ پولیس کے مطابق ملزم کی گرفتاری کے لیے ضلع بھر میں سرچ آپریشن جاری تھا.
پولیس حکام نے بتایا کہ ہمایوں شاہ کو نوشکی بس اسٹاپ کے قریب دیکھا گیا، جہاں پولیس ٹیم نے اسے ہتھیار ڈال کر گرفتاری دینے کا کہا۔ تاہم ملزم نے گرفتاری دینے کے بجائے پولیس پارٹی پر فائرنگ شروع کر دی.
پولیس کی جانب سے جوابی کارروائی کی گئی جس کے نتیجے میں فائرنگ کے تبادلے میں ملزم ہلاک ہوگیا۔ واقعے کے بعد پولیس نے ملزم کے قبضے سے ایک پستول اور چار زندہ کارتوس برآمد کر لیے، جبکہ جائے وقوعہ سے دو خول بھی تحویل میں لے لیے گئے ہیں.
پولیس کا کہنا ہے کہ واقعے کے حوالے سے مزید قانونی کارروائی جاری ہے اور مختلف پہلوؤں سے تحقیقات کی جا رہی ہیں.
فوکل پرسن انفارمیشن (FIP) اور ڈی آئی جی کوئٹہ کے مطابق ملزم تیزاب پھینکنے کے ایک اہم مقدمے میں مطلوب تھا اور اس کی گرفتاری کے لیے خصوصی کوششیں کی جا رہی تھیں.
