سینئر صحافی حافظ محمد عرفان کھٹانہ کی نومولود بیٹی انتقال کر گئی

اسٹاف رپورٹ :پی این نیوز ایچ ڈی

لاہور سے انتہائی افسوسناک خبر موصول ہوئی ہے۔ سینئر صحافی، اینکر پرسن اور نعت خواں حافظ محمد عرفان کھٹانہ کی نومولود بیٹی انتقال کر گئی.

تفصیلات کے مطابق نومولود بچی گزشتہ کئی روز سے لاہور کے ایک ہسپتال کے انتہائی نگہداشت وارڈ (آئی سی یو) میں زیرِ علاج تھی، تاہم وہ جانبر نہ ہو سکی اور اپنے خالقِ حقیقی سے جا ملی۔ اس المناک واقعے پر صحافتی حلقوں، اہلِ علم اور سماجی شخصیات کی جانب سے گہرے دکھ اور افسوس کا اظہار کیا جا رہا ہے.

اہلِ خانہ اور لواحقین کے لیے یہ صدمہ نہایت کٹھن ہے۔ دعا کی جا رہی ہے کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے، اہلِ خانہ کو صبرِ جمیل دے اور اس کا نعم البدل عطا فرمائے.

اِنّا لِلّٰہِ وَاِنّا اِلَیْہِ رَاجِعُون