الریاض میں صفی اللہ خان کی جانب سے پاکستان سے آئے ہوئے معروف ٹک ٹاکر کے اعزاز میں افطار ڈنر پارٹی

الریاض ( رپورٹ عالم خان مہمند ) سعودی عرب کے دارالحکومت ریاض میں معروف کاروباری اور سماجی شخصیت صفی اللہ خان کی جانب سے پاکستان کے معروف ٹک ٹاکرز ساجد خان اور فواد خان کے اعزاز میں ایک پروقار افطار ڈنر کا اہتمام کیا گیا، تقریب میں پاکستانی کمیونٹی کی بڑی تعداد نے شرکت کی اور مہمانوں کو خوش آمدید کہا تقریب سے خطاب کرتے ہوئے پاکستان کے معروف ٹک ٹاکرز ساجد خان اور فواد خان نے خطاب کرتے ہوئے کہا کہ بیرون ملک مقیم پاکستانی نہ صرف اپنی ثقافت اور کلچر کو زندہ رکھے ہوئے ہیں بلکہ مختلف پلیٹ فارمز کے ذریعے پاکستان کا مثبت چہرہ بھی اجاگر کر رہے ہیں پاکستان کا روشن چہرہ دنیا بھر میں عزت اور احترام کے ساتھ پہچانا جاتا ہے ، جذبہ سچا ہو تو دیار غیر میں راہ کر بھی وطن عزیز کی پہچان کو بلند رکھا جا سکتا ہے تقریب سے خطاب کرتے میزبان صفی اللہ خان نے ساجد خان اور فواد خان کو سعودی عرب آنے پر خوش آمدید کہتے ہوئے کہا کہ انہوں نے اپنی محنت اور فن سے پاکستان کا نام روشن کیا ہے درحقیقت پاکستان کے اصلی ہیروز وہی ہیں جو اپنے کردار ، اور عمل سے دنیا کو یہ پیغام دیتے ہیں پاکستانی ایک باوقار ، باصلاحیت اور با اخلاق قوم ہے صفی اللہ خان نے کہا کہ بیرون ملک بسنے والے پاکستانیوں کو اپنے مثبت کردار اور اچھے اخلاق کے ذریعے اپنے ملک و قوم کی نمائندگی کرنے کے ساتھ ساتھ بھائی چارے ، احساس ، محبت ، اپنائیت اور انسانیت کا درس دینا چاہیے جو اسلام کی اصل تعلیمات ہیں تقریب سے عتیق عارف ، اور دیگر نے خطاب کرتے ہوئے کمیونٹی کے اتحاد اور باہمی روابط کو فروغ دینے کی ضرورت پر زور دیا۔