پاکستان کے نائب وزیراعظم و وزیر خارجہ سینیٹر محمد اسحاق ڈار نے پاکستان قونصل خانے کی نئی چانسلری عمارت کا افتتاح کر دیا
جدہ رپورٹ: مریم شاہد پی این نیوز ایچ ڈی
پاکستان کے نائب وزیراعظم و وزیر خارجہ سینیٹر محمد اسحاق ڈار نے آج ایک سادہ مگر خوبصورت تقریب میں یہاں پاکستان کے قونصل خانہ کی نئی چانسلری عمارت کا افتتاح ربن کاٹ کر کیا اور تختی کی نقاب کشائی کی اس موقع پر سعودی عرب میں پاکستان کے سفیر احمد فاروق، سعودی مہمانانِ گرامی، ُقونصل جنرل سید مصطفیٰ ربانی، پاکستانی کمیونٹی اور قونصل خانہ کے افسران بھی موجود تھے.
افتتاحی تقریب میں پاکستانی پرچم بلند کیا گیا، جبکہ عمارت کے لان میں درخت لگائے گئے اور دونوں ممالک کے لیے دعائیں مانگی گئیں.
اس موقع پر منصوبے کی خصوصیات کو اجاگر کرنے والی مختصر ویڈیو بھی دکھائی گئی, اپنے خطاب میں نائب وزیراعظم نے جدہ کے قونصل خانہ کی کوششوں اور سعودی حکام کی حمایت کی تعریف کی.
انہوں نے زور دیا کہ حکومت بیرون ملک پاکستانیوں کو بہتر قونصل سہولیات فراہم کر رہی ہے اور یہ اسی سلسلہ کی کڑی ہے۔ عمارت دیکھنے کے بعد انہوں نے منصوبے کی تکمیل پر اطمینان کا اظہار کیا اور نئی جگہ پر جلد از جلد خدمات منتقل کرنے کا حکم دیا.
وزیر خارجہ نے کتاب میں اپنے تاثرات بھی درج کئے، سعودی عرب کے مغربی علاقے میں تقریباً اٹھارہ لاکھ پاکستانی رہتے ہیں اور یہ نئی عمارت ان کو بہتر سہولتیں فراہم کریگی.
