پاکستان ایمبیسی ریاض سعودی عرب کے کمیونٹی ویلفیئر اتاشی ون صاعد عزيز نے مشرقی ریجن الأحساء کا سرکاری دورہ
عالم خان مہمند سعودی عرب : پی این پی نیوز ایچ ڈی
پاکستان ایمبیسی ریاض سعودی عرب کے کمیونٹی ویلفیئر اتاشی ون صاعد عزيز نے مشرقی ریجن الأحساء کا سرکاری دورہ کیا جہاں ،ویلفیئر اتاشی ون صاعد عزيز نے فوکل پرسن پاکستان ایمبیسی ریاض ندیم اختر چوہدری کے ہمراہ سعودی حکومتی اداروں ، کمپنیوں اور پاکستانی کمیونٹی کے ساتھ میٹنگز کیں ،پاکستان ایمبیسی ریاض کے وفد کا سعودی حکومتی اداروں کے ساتھ ملاقات میں اوورسیز پاکستانیز کے مسائل کے حل اور دو طرفہ باہمی تعاون اور تعلقات کی مضبوطی اور پاک سعودی دوستی اور اتحاد کو مضبوط کرنے پر تبادلہ خیال کیا گیا.
کمپنیز کے ساتھ ملاقات میں پاکستانی کاروبار کو سعودیہ میں فروغ دینے اور سعودی عرب میں پاکستان مین پاور کو بڑھانے پر تفصیل کے ساتھ گفتگو کی گئی، خصوصی طور پر ٹریڈ بزنس کے فروغ کیلئے خصوصی طور پر نشت کی گئی .
مختلف شعبہ جات سے ڈاکٹرز انجینیئرز سیاسی سماجی کاروباری کمیونٹی کی نمایاں شخصیات کے ساتھ ویلفیئر اتاشی ون پاکستان ایمبیسی ریاض صاعد عزيز نے فوکل پرسن پاکستان ایمبیسی ریاض ندیم اختر چوہدری کے ہمراہ مختلف مسائل پر قدر مفصل میٹنگ کی گئی . صاعد عزيز کے الأحساء میں سرکاری دورے کو پاکستانی کمیونٹی نے خوب سراہا.
