(سٹاف رپورٹ ،تازہ اخبار پاک نیوز پائنٹ)
بیرون ملک پاکستانیوں کے لیے پہلی خوراک ملنے والوں کو بھی سرٹیفکیٹ ملے گا.
حکومت پاکستان نے کا کہنا ہے کہ بیرون ملک سفر کرنے والے پاکستانیوں کو ایسٹرا زینیکا ویکسین کی پہلی ڈوز لگنے کے بعد جزوی سرٹیفکیٹ دے دیا جائے گا تاکہ ان کو ویکسینیشن سرٹیفکیٹ نہ ہونے کی وجہ سے سفر میں دشواری کا سامنا نہ کرنا پڑے اور وہ سفر کر سکیں.
وفاقی دارالحکومت اسلام آباد کے ڈسٹرکٹ ہیلتھ آفیسر زعیم ضیا نے بھی پہلی خوراک پر ہی ویکسینیشن سرٹیفکیٹ دینے کی تصدیق کی ہے۔ اورسیسز پاکستانی بغیر تکلیف کے بس صرف اپنا شناختی کارڈ اور پاسپورٹ کی کاپی ساتھ لے جائیں اور نادرا سے سرٹیفکیٹ حاصل کریں.
ترجمان وزارت صحت کے مطابق بیرون ملک سفر کرنے والے پاکستانیوں کو ایسٹرازینیکا ویکسین کی پہلی خوراک کے بعد “جزوی سرٹیفکیٹ” جاری کر دیا جائے گا جوویکسن سینٹر سے حاصل کیا جا سکتا ہے.
انہوں نے بتایا کہ “پہلی خوراک” لینے کے بعد ویکسینیشن سرٹیفکیٹ کے لیے نادرا کے کسی سینٹر جانے کی ضرورت نہیں بلکہ جزوی سرٹیفکیٹ ویکسین سینٹر سے ہی حاصل کیا جا سکتا ہے.
ترجمان کے مطابق بیرون ملک سفر کرنے کی دستاویزات دکھا کر ایسٹرا زینیکا ویکسین لگوا سکتے ہیں اور اسی ویکسین سینٹر سے اسی دن جزوی ویکسینیشن سرٹیفکیٹ لے سکتے ہیں
مزید یہ کہنا تھا کہ جن ممالک میں داخلے کے لیے ویکسین کی دو خوارکیں لینے کی شرط عائد کی گئی ہے، ان کی سہولت کے لیے پہلی خوراک لینے کے چار ہفتوں بعد دوسری خوراک دینے کی اجازت دے دی گئی ہے.
حکومت پاکستان نے بیرون ملک پاکستانیوں کو سفری مسائل کو حل کرنے کے لیے ایسٹرا زینیکا ویکسین 18 سال سے زائد عمر کے مردوں کو لگانے کی اجازت دے دی ہے.
555
