(سٹاف رپورٹ،تازہ اخبار،پاک نیوز پوائنٹ )
نوے سال قبل آج ہی کے دن کشمیریوں نے ثابت کیا تھا کہ قرآن کریم اوراسلام کی عزت وحرمت انہیں اپنی جان سے پیاری ہے ایک دو نہیں لگاتار 21 مسلمانوں کا اپنی جانیں قربان کرکے اذان مکمل کرنا واضح پیغام ہے کہ مسلمانوں کو ان کے جوش و جذبہء ایمانی کو شکست نہیں دی جاسکتی، نہ جھکایا جاسکتا ہے
شہدائے کشمیر کی پکار بھارت سے آزادی کی تحریک کی صورت میں مقبوضہ جموں وکشمیر میں پوری قوت سے مسلسل گونج رہی ہے بھارت کسی غلط فہمی میں نہ رہے، مقبوضہ جموں وکشمیر مسلم اکثریت خطہ ہتھا ے اور انشاءاللہ ہمیشہ رہے گا
جب سے نیازی حکومت آئی ہے غاصب مذہبی دہشت گرد بھارت نے اقوام متحدہ اور عالمی ضامنوں کی عزت پاؤں تلے روندتے ہوئے مقبوضہ کشمیر کی عالمی تسلیم شدہ حیثیت اپنے تئیں ختم کردی ہے بھارتی ظلم وجبر اور استبداد میں دن بدن شدت آتی چلی جارہی ہے جس پر حکومت اور عالمی برادری کی چشم پوشی قابل مذمت ہے عالمی برادری، اقوام متحدہ اور سلامتی کونسل سے کشمیری سوال پوچھ رہے ہیں کہ انہیں انصاف کب ملے گا؟
جموں وکشمیر کے رہنے والوں کو سلام ہے جنہوں نے آزادی کے لئے ہر ظلم، مصیبت کا عزم وہمت سے مقابلہ کیا اورہرسازش کو ناکام بنایا.جموں وکشمیر کے رہنے والوں کی عظیم قربانیاں ناقابل فراموش ہیں اللہ تعالی شہداءکے درجات بلند فرمائے اور پسماندگان کو صبرجمیل دے۔ آمین
