(سٹاف رپورٹ،تازہ اخبار،پاک نیوز پوائنٹ )
دوران ملاقات افغانستان کی موجودہ صورتحال اور آئندہ کے لائحہ عمل کے حوالے سے تبادلہ ء خیال ہوا وزیر خارجہ مخدوم شاہ محمود قریشی نے،افغانی ہم منصب کو، پاکستان کی جانب سے، متحدہ اور پر امن افغانستان کی مستقل حمایت کا یقین دلایا
افغانستان میں شدت پسندی میں اضافے کا رجحان اور قیمتی انسانی جانوں کا ضیاع باعثِ تشویش ہے،
ان پرتشدد کارروائیوں میں کمی لانے اور جنگ بندی کیلئے فوری اقدامات اٹھانے کی ضرورت ہے، مخدوم شاہ محمود قریشی
وزیر خارجہ نے واضح کیا کہ منفی بیانات سے افغان امن عمل میں پاکستان کے مثبت کردار کو جھٹلایا نہیں جاسکتا
الزام تراشی کسی فریق یا خطے کے میں مفاد میں نہیں،
وزیر خارجہ نے افغان ہم منصب پر زور دیا کہ باہمی امور پر گفتگو، طے شدہ میکنزم، ایپیپس (APAPPS ) کو بروئے کار لاتے ہوئے ہونی چاہیے
اسلام آباد میں پاکستان اور افغانستان کے مابین موجود مشترکہ میکنزم “APAPPS” کے جائزہ اجلاس کے جلد انعقاد کے متمنی ہیں، مخدوم شاہ محمود قریشی نے کہا کہ
وزیرخارجہ نے افغان قیادت پر زور دیا کہ وہ افغانستان سے غیر ملکی افواج کے انخلا کے تناظر میں، باہمی مذاکرات کے ذریعے افغان مسئلے کا جلد سیاسی حل نکالیں تاکہ افغانستان میں مستقل اور دیرپا قیام امن کی راہ ہموار ہو سکے
افغان قیادت پر یہ ذمہ داری عائد ہوتی ہے کہ وہ اس تاریخی موقع سے فائدہ اٹھاتے ہوئے، مل بیٹھ کر افغان تنازعہ کا حتمی، وسیع البنیاد اور جامع سیاسی حل تلاش کریں ،
پاکستان، خطے کی اقتصادی ترقی، امن اور روابط کے فروغ کیلئے، پرامن اور مستحکم افغانستان کی بھرپور حمایت جاری رکھے گا،
