(سٹاف رپورٹ،تازہ اخبار،پاک نیوز پوائنٹ )
آزاد کشمیر الیکشن کمیشن نے وفاقی وزیر علی امین گنڈاپور کو آزاد کشمیر کی حدود سے نکل جانے کاحکم دے دیا۔چیف سیکرٹری کو لکھے گئے خط کے مطابق علی امین کی آزاد کشمیر میں انتخابی جلسوں میں شرکت اور تقاریر پر پابندی عائد کردی گئی ہے۔تفصیلات کے مطابق الیکشن کمیشن آزاد کشمیر کی جانب سے چیف سیکرٹری کو لکھے گئے خط میں کہا گیا ہے کہ وفاقی وزیر علی امین کی تقریروں سے آزاد کشمیر میں امن و امان کا مسئلہ پیدا ہو رہا ہے جبکہ پی ٹی آئی امیدواروں کے خلاف کارروائی عمل میں لائی جارہی ہے۔علی امین کے اشتعال انگیز بیانات کی وجہ سے انسانی جانوں کے ضیاع کا بھی خطر ہ ہے۔الیکشن کمیشن کی جانب سے چیف سیکرٹری کو حکم دیا گیا ہے کہ ہدایت پر فور ی عمل درآمد کرکے رپور ٹ پیش کی جائے ۔
