(سٹاف رپورٹ،تازہ اخبار،پاک نیوز پوائنٹ )
بہاولنگر ضلعی پولیس آفیسر ظفر بزدار لاپرواہی ورتن تے رشوت لین والے 8 پولیس افسراں و ملازماں دی نوکری توں پکی چھٹی کرادیتی پولیس لائن وچ اردل روم دے دوران 28 افسراں تے ملازماں دی طلبی تے شنوائی کیتی گئی
بہاولنگرضلعی پولیس آفیسر محمد ظفر بزدار نے عبدالرزاق شہید پولیس لائن وچ 28 افسراں تے ملازماں نوں دیتے گئے شوکاز نوٹساں دی شنوائی کردے ہوئے غفلت لاپرواہی تے رشوت ثابت ہون تے 8 پولیس افسراں تے ملازماں نوں نوکری توں فارغ کردیتا سابق ایس ایچ او ہارون آباد مظفر اقبال سب انسپکٹر نوں رشوت لین تے نوکری توں فارغ کردیتا بخشی خانہ منچن آباد توں ملزم فرار ہون دے واقع وچ غفلت ثابت ہون تے انچارج بخشی خانہ مختیار احمد حوالدار تے سپاہی محمد ریاض محمد عرفان نوکریوں فارغ کردیتے گئے سپاہی اشفاق احمد نوں فورٹ عباس وچ خاتون دی قابل اعتراض فلم بنانے تے نوکری توں پکی چھٹی کرادیتی گئی منشیات برآمد ہون تے بھوکاں پتن گارد تے تعینات سپاہیاں عامر مقبول تے عمران اقبال نوں وی نوکری توں فارغ کردیتا گیا ڈی پی او ظفر بزدار نے شنوائی کردے ہویاں 7 افسراں سالانہ انکریمنٹ دی بندی کردیتی چار دی ضبطی سروس دا حکم دیتا تین نوں وارننگ تے دو دے تسلی بخش جواب تے شوکاز فائل کردیتے
235
