پاکستانی انٹرنیشنل سکول ریاض کی جانب سے رنگا رنگ مینا بازار کا ا نعقا د کیا گیا
شاہین جاوید الریاض سعودی عرب :پی این پی نیوز ایچ ڈی
سعودی عرب کے شہر ریاض میں موجود پاکستانی انٹرنیشنل سکول ریاض کی جانب سے رنگا رنگ مینا بازار کا نعقد کیا گیا جس میں خواتین ، بچوں اور سکول کی طالبات نے بھرپور شرکت کی.
تقریب کی مہمان خصوصی سفیر پاکستان کی اہلیہ عائشہ احمد اور کمیونٹی ویلفیئر اتاشی جنت جنجوعہ نے میلہ کا افتتاح کیا اور میلے میں موجود ثقافتی، اور علاقائی کھانوں کےساتھ ساتھ ملبوسات ، فیشن اور مہندی کے سٹالز کا بھی وزٹ کیا۔
مہمان خصوصی عائشہ احمد نے اپنے خطاب میں اسکول کی کارکردگی، تعلیمی وژن، اور نظم و ضبط کو سراہا۔ انہوں نے کہا کہ پاکستان انٹرنیشنل سکول ریاض نہ صرف معیاری تعلیم فراہم کر رہا ہے بلکہ سعودی عرب میں پاکستانی کمیونٹی کی شناخت کو بھی مضبوط بنا رہا ہے۔.
تقریب سے پاکستان انٹرنیشنل سکول ریاض کے پرنسپل راجا محمد عرفان اور چیئرمین سکول مینجمنٹ کمیٹی ڈاکٹر آصف کا کہنا تھا کہ پاکستان انٹرنیشنل سکول ریاض معیاری اور بہترین تعلیم فراہم کرنے کے ساتھ ساتھ غیر نصابی سرگرمیوں پر خصوصی تربیت فراہم کرتا ہے جہاں طلبہ طالبات تفریح کے ساتھ ساتھ مختلف پیشہ ورانہ شعبوں کا علم سیکھتے ہیں اور ان سے مستعفید ہوتے ہیں.
پرنسپل راجا عرفان کا مذید کہنا تھا کہ تمام والدین کا آمد کا بےحد شکریہ جنہوں نے بھرپور جوش و خروش کے ساتھ شرکت کی۔انہوں نے قابلِ احترام خواتین اساتذہ اور اسٹاف کو خصوصی خراجِ تحسین پیش کیا۔ جنہوں نے دن رات محنت کر کے اس بڑے ایونٹ کو کامیاب بنایا.
والدین اور بچوں کی جانب سے سکول پرنسپل اور چیئرمین کی سر پرستی میں دس سال بعد منعقد کئے جانے والے اس میلہ کی بھرپور پزیرائی کی اور اس کی رونق کو کامیاب کاوشوں کا نتیجہ قرار دیا۔
میلہ میں لزیز اور مزےدار کھانوں ، کپڑوں ، جوتوں ، مہندی ، اور کھیلوں کے علاوہ میڈیکل ، کلینک اور تعلیمی اداروں کے اسٹالز خواتین ، بچوں اور طالبات کی توجہ کا مرکز بنے رہے اور سب کو ایک طویل انتظار کے بعد خوشیوں بھرا یادگار موقع میسر آیا.
