سفارت خانہ پاکستان ریاض میں معرکہ حق بنیان مرصوص کے حوالے سے پروقار تقریب کا انعقاد
ریاض رپورٹ عالم خان مہمند : پی این پی نیوز ایچ ڈی
تقریب کا آغاز سفیر پاکستان احمد فاروق کے استقبالیہ خطاب سے ہوا، جس میں انہوں نے ملکی و غیر ملکی مہمانوں کو خوش آمدید کہا اور معرکہ حق بنیان مرصوص کی کامیابی کو پاکستان کی مسلح افواج کی پیشہ ورانہ مہارت، قومی یکجہتی اور دفاعی صلاحیتوں کا مظہر قرار دیا.
اس موقع پر سفیر پاکستان احمد فاروق، سفارتی افسران اور دیگر مقررین نے اپنے خطابات میں پاکستان کی مسلح افواج کی جرات، قربانیوں اور پیشہ ورانہ صلاحیتوں کو زبردست خراجِ تحسین پیش کیا۔ مقررین نے کہا کہ پاکستان کی افواج نے ہر مشکل وقت میں مادرِ وطن کے دفاع کو یقینی بنایا اور قومی سلامتی کے تحفظ میں تاریخی کردار ادا کیا.
مہمانِ خصوصی جنرل (ر) راحیل شریف نے اپنے خطاب میں پاکستان کی مسلح افواج کی پیشہ ورانہ تیاری، اتحاد اور قومی جذبے کو سراہتے ہوئے کہا کہ پاکستان ہمیشہ امن، استحکام اور علاقائی تعاون پر یقین رکھتا ہے.
تقریب کے دوران معرکہ حق بنیان مرصوص سے متعلق خصوصی ڈاکیومنٹری بھی پیش کی گئی جس میں کامیابیوں، قومی عزم اور دفاعی تیاریوں کے مختلف پہلوؤں کو اجاگر کیا گیا.
تقریب کے اختتام پر پاکستان کی سلامتی، ترقی، استحکام اور امت مسلمہ کے اتحاد کے لیے خصوصی دعا کی گئی.
