پاکستانی امریکن تنظیم پاکولی کے چیئرمین بشیر قمر کی جرمنی میں پاکستانی سفیر ثقلین سیدہ سے ملاقات
جرمنی خصوصی رپورٹ مطیع اللہ: پی این پی نیوز ایچ ڈی
برلن میں سفیر پاکستان محترمہ ثقلین سیدہ نے اپنی خصوصی ملاقات میں جرمنی کی پاکستانی کمیونیٹی کی تعریف کرتے ہوئے کیا ہے کہ جس طرح کمیونٹی نے موجودہ دور میں پاکستان حکومت پر اپنی غیر متزلزل حمایت اور بھر پور اعتماد کا اظہار کیا ہے اس سے انکا حوصلہ بڑھا ہے .
ایران کے ساتھ پاکستان کے برادرانہ تعلقات ہیں اور پاکستان اس مشکل کی گھڑی میں اپنے ایرانی بہن بھائیوں کو تنہا نہیں چھوڑیے گا۔ ہم امریکہ کی بھی امداد اور تعاون جاری رکھیں گے اور ہماری کوشش ہو گی کہ ہم خطے میں امن قائم کرنے میں اپنا کردار ادا کرتے رہیں، ان خیالات کا اظہار انہوں نے پاکولی کے چیئرمین اور فاؤنڈر بشیر قمر سے ایک ملاقات میں کیا جس کا اہتمام پیپلز پارٹی کے صدر ظہور اعوان نے پاکستانی سفارتخانہ میں کیا تھا۔
محترمہ سفیر پاکستان نے کہا کہ بہت جلد سفارت خانہ کمیونٹی کے تعاون سے ایک خصوصی تقریب منعقد کر کے اپنی حکومت اور فوج کی اعلی قیادت کو خراج عقیدت پیش کرے گا۔
بشیر قمر نے پاکستانی امریکن کمیونٹی کی سرگرمیوں اور پاکولی کی خدمات سے آگاہ کیا۔ اس موقع پر بیگم تسنیم قمر بھی موجود تھیں اور ان کے درمیان دو طرفہ دلچسپی کے امور پر سیر حاصل گفتگو ہوئی ۔
