ریاض فنانس لیڈر ہب کی جانب سے پاکستانی فنانس لیڈرز حب کے اعزاز میں تقریب کا انعقاد

رپورٹ عالم خان مہمند

شکیل احمد اور عمار الحسن کی جانب سے سعودی عرب کے شہر ریاض میں پاکستان کے جانے مانے فنانس لیڈرز حب کے اعزاز میں ایک پروقار تقریب کا اہتمام کیا گیا۔

تقریب کے معزز مہمانوں میں عظیم شیخ ,دانش محمود ، ڈاکٹر محمد عظیم، محمد عثمان ، زبیر خان بلوچ ، شکیل احمد , عمار الحسن ,طاہر مقبول ,مبشر خان , رضوان علی اور فصیح یو دین شامل تھے۔
پروگرام کا مقصد سعودی عرب میں مقیم پاکستانی ٹاپ فنانشل ایکسپرٹس کو فروغ دینا، نئے آنے والے پاکستانیوں کو مواقع فراہم کرنا اور انہیں تربیت مہیا کرنا تھا۔ اس وقت سعودی عرب میں تقریباً 2.9 ملین پاکستانی مقیم ہیں، جن میں سے ایک بڑی تعداد فنانس کے شعبے سے وابستہ ہے۔ اس نیٹ ورک کو مزید مضبوط اور مؤثر بنانے پر بھی زور دیا گیا۔
دانش محمود کا کہنا تھا کہ ہمیں آرٹیفیشل انٹیلیجنس کے ذریعے اپنے کام کو آسان اور مزید مؤثر بنانا چاہیے۔ ڈاکٹر محمد عظیم نے کہا کہ سعودی عرب ہمارا دوسرا گھر ہے اور ہمیں یہاں کے قوانین اور ضوابط کا مکمل احترام کرنا چاہیے۔
عظیم شیخ نے اپنے خطاب میں کہا کہ اس قسم کے پروگرامز کا انعقاد معمول کی مصروفیات سے ہٹ کر ذہنی توازن پیدا کرتا ہے اور فنانس سے وابستہ افراد کی ذہنی صحت کے لیے نہایت مفید ثابت ہوتا ہے۔
آخر میں سعودی عرب اور پاکستان کی سلامتی کے لیے خصوصی دعا کی گئی، جبکہ خادم الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان کی صحت اور سلامتی کے لیے بھی دعا کی گئی۔